20070303 蕂條嘉茵遇上大隻平＠貓同學喺呢度

2007-03-08 00:23:24| 人氣129| 回應2 | 上一篇 | 下一篇

20070303 蕂條嘉茵遇上大隻平

推薦 0 收藏 0 轉貼0 訂閱站台

上星期六，美嬸和我去到嘉茵與大隻平(個胸無40吋都有39吋半，但貎似陶喆的一個佬) 的家。這個”HelloKittyland”有狗玩、有飯食 (食完飯又唔駛洗碗)、有生果食(有專人切埋)、本來仲有利事「豆」，不過最後竟然忘記了。

大隻平，其貌不揚，個樣串串「貢」，如果唔識佢，喺街見到佢，我會想打佢一身。但他就是這樣的一個人，老婆食藥食到口淡淡，佢會專登去買牛腩“R”湯煮烏冬俾佢食；老婆件衫甩咗粒鈕，佢會話放低等佢補；我相信就算雪櫃剩番一棵菜，佢都可以煮出三餸一湯，「入得廚房, 出得廳堂」，當之無愧。至於嘉茵，這個自小比蕂條還要瘦的小學同學，實為「論盡」師奶一名，但勤奮好學，而且為人正直得出奇，情願放棄一份工都不願講一個大話，型爆！

上次探訪他們，聽到的盡是嘉茵這個家務烏龍王的輝煌戰績，最經典的莫過於用綠水拖地後唔知道要再用水清洗。這次再訪 ”HelloKittyland”，聽著他們談轉工、談週年旅行、談家中瑣事；聽著大隻平揶揄嘉茵不懂烹飪；看著他們飯後，舒舒服服地坐在沙發上，邊看電視，邊為狗狗掃肚，一天的辛勞，大概就是為了這一刻。

讓快樂和幸福永遠伴著他們吧！！！

我要檢舉

台長：貓同學