新年 la, 第一次唔係同屋企人過節, 好掛住屋企, 朋友們, 香港, 今年零舍想睇年初二 ge 烟花, 係呢度過年真係一 d 氣氛都無, 得我我同 Wendy, 阿秋三條友, 好無聊 haha 不過為咗增加 d 節日氣氛, 我用二十蚊買咗盤花返屋企擺~
等我數下我呢個禮拜做過 d 乜 la
年廿九我地特登出咗 China Town 買咗好多野, 諗住新年食好 d~
年三十晚, 我走咗堂諗住早 d 返屋企煮咖哩雞, 點知都係忍唔住上網上到五點幾 haha 阿秋勁不滿 law, 六點幾先返到, 搞到差唔多八點先有得食, 都好好食 ar~ haha 我地之後仲有湯圓食 tim wor~ 仲有湯飲, 我真係一個天才 haha~
年初一我地本來返咗學 ga, 不過覺得年初一都要返學真係好唔岩, 所以走咗堂, 去咗 library 上網 haha, 我拍咗 d video 向屋企人同好朋友拜年 haha 其實都幾白痴~ 不過大家 Happy la, 我地今晚都食得好好 ar, 炆豬腩~ 但係我真係佩服自己~ haha 第一次炆野, 就咁成功 la, 佢地個個都話好食 ar~ hehe
年初二去咗影印, 影完之後本來係要上堂 ga, 不過我地麼麼下就搞到遲到, 所以都係決定走堂去 China Town 買野, 阿秋真係過份, 成個禮拜淨係上過一堂…
年初三我地去咗一個中國同學會搞 ge 春節活動, 食下餃子咁, 阿秋就最開心 la, 可以白飲白食 haha 同 d 大陸同學仔傾下計咁 la, 不過我 feel 到博偉對住 Wendy 同阿秋成日鬥咀真係有 d 無奈, 我都好無奈 haha
留到九點幾就走 la, 我地諗住三個去紅燈區睇下, 因為上次去早得滯, 無乜野睇, 不過個老野係都要跟埋黎 -_- 都唔知佢想點…不過有個大陸女仔 Amy 都幾好人~ 今日夜 d 去真係多 d 靚女 wor, 不過都唔係好識行, 本來諗住返 Hall 個 Valentine’s Party 睇下 ge, 但係個老野又係度嘈話要去 pub 飲野 wor, 都唔知佢搞乜 -_-
之後我地都係返咗去, 去咗博偉度上網搵機票去意大利, 我地突然間諗走想去意大利玩, 本來好唔開心 ga, 十日假無地方去, 之前諗過瑞士, 法國, 希臘, 奧地利….都去唔成…. 但係唔知係咪因為遲訂機票, 好鬼貴… 又去唔成… 個老野成日仲要騰出騰入, 好似想催我地走咁, 想去咪自己去 law…好黑人憎 wor
咁我地搵唔到機票就落 exchange pub la, 有 d 人真係好癲喪 ga wor, 著綠色衫ga wor, 因為呢個 Party, 著唔同色衫代表唔同 ge status, 著綠色衫即係 single 兼好饑渴, 個跳脫衣舞o個個法國仔竟然著紅色衫 wor, 真係難以置信 bor haha
其實真係好無聊 ga, 咁我地就話散 la, 個老野係咁話我地咁早就散, 咁唔想同你玩 ar ma! 之後同 Amy 交換電話, 佢又問我要 wor, 我咪又叫佢問 Amy law, 佢仲問我做乜唔親口話佢知, 我真係”炆” la! 食屎 la 你!
不過撞到個算係識識地 ge 西班牙靚仔, 傾咗兩句~ 不過佢好似唔係好聽得明我講乜 haha
年初四, 佢地落咗去搞上網, 剩低我一個煮米粉, 但係失敗咗, 我覺得係 d 咖哩粉 ge 問題, 煮到我炆炆地, 佢地一上黎我就發咗一次皮四, 真係對唔住 la, 我都知好奇怪, 但係 Wendy 係咁話唔食得唔得, 阿秋就勁好人, 話無乜問題…之後唔知點解佢地可以用到 pub 個 wireless wor, 係得我用唔到, 真係慘, 又勁唔好老, Wendy 同阿秋幫我拎部 notebook 落去搞 la, 佢地上返黎扼我話我張 LAN card 燒咗, 上唔到網 wor, o個下我真係有 d 想喊 ga, 但原來係假 ge, 我仲要嚇親佢地 tim
阿秋搵到三月去意大利 ge 機票來回連稅都係四百幾蚊港紙 ja, 咁我地就決定走堂去旅行 la~ yeah 終於都去得成旅行 la, 咁我地就成日都係度 search 去意大利 ge 資料 la, 仲有整咗糖醋排骨, 佢地都話好好食 ar~ 我 d 廚藝真係有進步 bor, 不過隻手就好似有 d 主婦手咁, 手指尾仲爆開咗, 好耐都唔好 wor, 阿媽叫我煮飯都戴手套 wor, 但係有 d 騎呢 wor…
今日都係大起大跌, 本來勁燥底, 之後有得去旅行, 有得上網, 好開心 ar~ haha
星期日, 留係屋企, 但佢地身痕想出去行, 咁我想留係屋企洗衫, 執枱, 同屋企傾計, 所以我都係無出去 la, 仲有係屋企煮咖哩等佢地返黎~ 同阿妹 netmeeting傾計, 好掛住阿妹 ar!
已經慣咗呢度 d 生活 la, 日日都為咗食咁, 除咗返學之外, 所有時間都係煮飯, 再唔係就係去 supermarket 買野食…不過大家放心, 我已經買咗個磅, 我希望唔會肥好多返黎 la~
仲有我就係覺得黎到係訓練廚藝, 日日都煮, 有時我都有 d 新煮意 ga, 唔係淨係煮 d 簡單野 ga, 有煮過冬菇炆豬腩, 咖哩雞, 糖醋排骨~ 不過其實係因為新年要食好 d je~
文章定位：
