樹頂吉的回憶錄 這裡 見證了我的成長與經歷

201愛的鼓勵 0訂閱站台

[你知道嗎，吉仔。]

抽一根香煙，燃點、冒起縷縷輕煙。

[人生最大o既悲哀係......你能夠predict到一d unpredictable o既野......
而佢地又真係不斷咁出現，發生........你呢？就只有眼白白咁睇住、睇住
改變不得，只有默默去承認，承受......]

[唔明嗎？唔緊要......]

[打個比喻吧、愛情、好不？你明知道擁有就係失去o既第一步.......但係你
依然會選擇擁有.......你又知道一段感情總有完結o既一日、甚至乎預測到
幾時會完......而你就咩都做唔到......直到散為止]

微吸、唏噓、呼出。

[我頭先講緊咩話......?呀係，愛情。]

[我話你知la吉仔，總有一日，你會發覺，原來所謂愛情----只不過係一種令
到自己開心d o既工具而已......唔係咩？你陪人地行街，無非都係想人地陪番
你行街je......自己唔開心，仲會同人地一齊咩？]

[之但係人就總係衰衰格格o既......失去左之後再擁有......就成鬼日同自
己講:唔會o既唔會o既！呢此一定唔會散o既！可惜第一個係咁，第二個係咁
、第三、四個都係咁......來來去去、散散聚聚、灰lei？我唔係話無一
生一世，之不過係話相信o既比率會愈來愈細law......]

[吉仔呀、吉仔呀......愛情、男人、女人三樣野......到頭來分手個一日你
就會知道......唔係大家欺騙緊大家......而係大家都俾愛情厄左啦......試
諗番下當日大家點解會一齊？係咪覺得好神奇呢......遲d你就明ga la.....]

[你咪話過時間可以證明一切o既？信我la吉仔、其實時間係可以摧毀
一切ga....你愈係容易愛一個人、愈係發展得快、咁你就愈係容易失去佢...
...愈容易擁有、愈容易失去ar吉仔......]

凝望將盡香煙、難息、輕嘆。

[呀係wo、我睇左你近日寫o既文章啦。]

[成日都係憑欄、遠眺......唔係話唔好，之不過有時用死一件事物去抒情、
講道理，實在係死板左d......試諗下----你依家先得個19歲ja wo......你再
大個一d、唔通仲係憑欄、望海？例如我要幫一隻電池賣廣告，我就唔會好直
接咁sell佢o既賣點，而係間接少少......試問有邊個唔知電池係乜東東？
o岩唔o岩先？俾多少少創新、靈活一d、咁就very good啦。]

[所謂成熟呢阿吉仔......扮成熟o既人、永遠一味都係成熟、仲要係熟到
爛個隻o既人呢，先至係最唔mature......因時制宜la......都係個句......
應熟o既時候就要熟，唔應熟o既時候就唔該白癡一d、低能一d......有時做人
下下都serious、野野都咁成熟、好鬼悶ga真係......!老積同埋成熟係一線之
差ga ja......]

[你幾時放榜話？７月？噢，好o既好o既，盡左力就得la......要記住......
後悔比失敗更糟糕......你係讀文學o既人.......唔使多講......明啦？]




p.s波仔者、吉之良師益友、青梅竹馬、啟蒙導師也
　 相識十載有餘，縱未至於每每事情皆同意之、其一言一語不敢忘。