成個下晝好無聊地連續睇左3套戲，
第一套睇既係 “向左走向右走”，
今次已經係第3次睇，
但係反而今次睇得最有feel，
唔知呢，可能近排迷上金城武~~
不過都係覺得書好睇D!
之後睇左 “精裝追女仔2004”，
本來一心諗住睇杜汶澤，
但係睇完之後最鍾意既係余文樂---扮女人！
嘩，真係靚絕！陳太都話佢索！
佢又瘦兼夾高，認真好！
跟手再睇埋套 “絕世好賓”，
本來有梁詠琪都唔係甘想睇，
但係有劉青雲補返數，甘就算喇~~
劉青雲扮賓賓真係一絕！^^
講真，梁詠琪做戲又唔係話真係甘黑人僧，
不過唔知點解就係唔多鍾意佢~~
睇哂3套戲之後已經7點幾，
又係時候開飯！
文章定位：
