尋晚9點零既時分，
突然發現後園有一隻豬唔豬，
狗唔狗既動物0係後園行下行，
此四腳爬爬一出，即時惹來全屋上下既注意，
於是我以9秒9既速度衝左出去一看究竟~~
一看之下，發現佢全身佈滿刺，
所以我地端定佢係一隻箭豬~！
之前0係後園種既菜上面既泥發現好多腳印，
開頭我地以為係有鹿入左黎，
但係D fence甘高，思前想後都覺得無咩可能，
除非隻鹿曉飛喇！依家真相終於大白，
原來吃哂我地D玫瑰花頭既採花賊係依隻箭豬豬！
佢其實都幾得意，行得好慢，最搞笑既係佢竟然識爬欄，
我地追住佢既時候，佢爬左去“跑馬地”，爬得勁搞笑！
本來留佢0係後園都無咩所謂，
但係佢不斷0係豎吃哂我地種D野，
所以我地先要請佢回歸大自然！
同佢玩左一輪追逐遊戲之後，
佢終於0係度門度返左去真正屬於佢既地頭，
之後天色都開始黑，眾人亦都各自歸家！
返到屋企第一件事就係查字典，睇下有關箭豬既野~~
因為依隻似豬非豬既奇怪動物，
無錯佢個身係有好多刺，
但係佢個尾部又無wor，
同我之前見到既箭豬好唔同~~
點知原來箭豬係insect-eater，
甘佢無理由食我地D花同菜架wor~~
之後再上internet 睇睇，
哦，原來正確黎講，佢係叫“豪豬”！
佢同箭豬好相似，不過箭豬吃昆蟲，
佢就吃花既果實之類既野！
開頭仲以為係小白兔食哂我地D菜，
依家終於知道係豪豬既所為！哈哈！
文章定位：
