尋日一早就出左唐人街整野，
原本兩點約左亞妹返UC話教佢Math，
但係後尾亞妹打電話黎話佢諗住唔讀，
所以個約會就取消左~~
既然都出到唐人街，
甘快返屋企又好似好無謂，
所以留低左0係舖頭幫亞媽手~~
其實話就話幫手，實在都無咩野做，
實情只係想搵個地方同亞媽單獨傾下，
傾下一D從來無人提起過既人同事~~
其實有好多野一路都好想問好想知，
但係中國人就係甘，好多野都鍾意收收埋埋，
以為唔講人地就唔會知或者可以當無事發生過，
其實唔係囉，事實始終係事實，
唔講出黎唔代表會令大家好過D，
甘樣做只係逃避現實，
既然已經係唔可以改變既事，
點解我地唔去正視同面對佢呢？
我其實都考慮左好耐先夠膽問，
雖然依個並唔係咩天大秘密，
對我黎講，我直頭覺得無隱瞞既必要，
但係，要去打開別人心裡面最後一條防線，
一定有相當程度既危險性，
開頭我以為大家會激動，
點知原來講果個同聽果個都可以好平靜，
平靜得出乎我意料之外~~
或者亞媽一早已經唔當佢係秘密，
一早已經準備好同我地講，
只係我地一直無問，
佢又唔知從何說起，
所以一直收埋到依家！
自從尋日件事之後，
我覺得我真係做左大人，
我覺得好多野我識得點去面對，
我諗我比好多人更加識諗，
至少0係依件事上面我係！
文章定位：
