2003-07-23 13:36:11| 人氣78| 回應0 | 上一篇 | 下一篇

Agnes: 山雨欲來

推薦 0 收藏 0 轉貼0 訂閱站台

今晚會打風, 各位要戒備!

買定罐頭、即食麵等颱風救星未?

預備定電筒、電芯、蠟燭、火柴未?

貼定膠紙固定玻璃窗未?

放工快d返屋企, 留意電視台、電台既天氣報告!

....傻既! 三十年前打風呀?

出面雖然陽光幾度, 但風起雲湧, 颱風既暗湧快要呼之欲出.

我細個唔恨打風, 上到中學先至恨打風, 因為我去左一間令我幾唔愉快既中學. 成日祈求"打風打風打風", 好等唔駛見到班衰人同學. 個天又真係靈驗, 打左幾次風, 打正星期五, 唔駛返學兼可以放多一日假, 好野!

兩年前做過一份旅行社文員既工作, 日程趕到索唒氣, 稍停一陣, 都擾亂成個工作節奏. 有一日打風, 船期、酒席全部取消. 最唔妥係第二日颱風都未走. 打工仔, 唔係怕返工, 係怕返唔到工, 俾老闆扣人工! 當日掛到兩點先落風球, 我即刻一支箭標返公司─如果唔係風球落左兩小時內返到公司, 就當你冇到! 我仲要係住係屯門果隻─鄉下出城, 加上一個屯門公路, 足以令交通癱瘓! 結果我係第一個返到去, 只須做半日工序, 當我返足全日咁計!

以前逢親打風, 無線都會通宵播《書劍恩仇錄》! 冇錯, 係鄭少秋同汪明荃主演果套電視劇. 點解播通宵? 因為電視台員工都返唒屋企喇嘛! 知道呢件往事都覺得好過癮. 因為有鄭少秋做陳家洛、汪明荃做"翠羽黃衫"霍青桐、余安安做香香公主、夏雨做余魚同、黃淑儀做李沅芷、朱江做"奔雷手"文泰來、李司棋做"鴛鴦刀"駱冰. 演員陣容真係粒粒巨星! 咁...邊個做"俏李逵"周綺呢?

打風就唔好周圍遊蕩, 返屋企把啦! 又溫暖又安全. 唔好打機, 睇我個新聞台仲好過啦, 哈哈!

台長: Agnes
人氣(78) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文