新聞| | PChome| 登入
2003-07-16 15:37:41| 人氣180| 回應0 | 上一篇 | 下一篇

Agnes: 生熱痱!

推薦 0 收藏 0 轉貼0 訂閱站台

今年7月我足廿三歲, 但我竟然生熱痱.

我問家姐點解細路仔會易生熱痱? 佢話:「細路仔細, up住d汗唔識抹囉.」唔係呀嘩? 我咁大汗, 咁多年來又唔見我不停生熱痱?

上一次「正式」生熱痱係小學二年級, 成個背脊好澀好痛, 要訓低搽一隻粉紅色既痱子藥水, 等廿分鐘乾左就得. 記得果樽藥水上寫明「治麻疹」, 咁容易醫, 咁d人唔駛打防疫針喇? (係啊, 男生唔打德國麻疹針)

前幾日唔小心掉左家姐d會計功課入廢紙回收箱, 佢發唒老脾要我搵番俾佢. 個口咁窄, 我隻手又唔長, d野又朝頭早掉, 點會咁易就囉到? 我唯有一邊壓低入口個位, 一邊伸手係咁囉d報紙出黎. (裡頭有小小強呀!) 最抵死係企係旁邊既阿媽, 竟然袖手旁觀! 冇法, 唯有係第二朝等工人開鎖.

手臂上就出現一大塊紅疹, 又酸又痛. 大概係用力過度, 手臂上既微絲血管都俾我整爆埋. 家人見到我對手攪成咁, 問我做乜野. (明知故問) 我懶高鬥唔出聲扮唔在乎. (俾人鬧, 你激唔激氣呀?)

之後幾日紅斑消退左, 問題就出現啦: 無論我搽乜野藥膏都止唔到痕! 痕就不然用手抓, 攪到又紅又腫. 驚起來黎連藥膏都唔敢掂, 用番細蚊仔最基本既秘方─爽身粉. 哈, 又幾爽喎, 仲真係暫時止痕癢.

其實今次唔係最尷尬既一次. 最尷尬果次俾我妹當係笑話咁笑: 話說我中三果年, 有d脫毛蠟聲稱可以一次過清理唒體毛. 而我試過用手扯唒格肋底d毛出黎, 結果攪到痕癢無比. 家姐買左脫毛蠟番黎, 以為今次實掂啦, 點知─

d綠色脫毛蠟咁黐笠笠既?! 唔係好妥喎! 但愚蠢既我居然以身試法...毛髮未落, 而脫毛蠟就好似一舊水蛭咁黐住我兩個格肋底, 「難捨難離」! 知唔知我要點起唒佢地出黎? 洗─甲─水─

結果你地都估到啦! 咁攪法唔止冇事, 仲立即出事. 千辛萬苦清除唒d脫毛蠟後, 兩個災區就發生瘟疫!

....一個星期之後, 疫區先至除名. 以後我打死都唔用脫毛蠟.

我要檢舉
台長： Agnes
人氣(180) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文