Grad 啦~~ 終於 Grad 啦~~~
考完試到今日,其實我一路都驚緊~~~
唔知成績點.
今日收到成績.....見到 Grad 啦~~
心情真係好到不得了.
第一時間諗起亞媽個開心樣,同埋終於無衰比老豆睇(皆因我成日比佢睇死).
又諗起老豆既明言,"盡0左力就得啦."(不過佢通常會加多句,你盡0左力就唔會唔得,即係一定要得.)
真係唔係講笑,我都係靠呢一句 Grad.
今個 sem 考 308 既時候,我 12 條入面得一條tip 中,我望到份卷之後,頭一分鐘真係灰.
但我就係諗起呢一句,就即刻集中到精神,識幾多寫幾多,結果拎到 71 分~~真係神奇.
當然仲要靠我神乎奇技既吹水技術啦~~唔識都寫滿廿版紙.
真係有幾多吹幾多~~~作0左三個鐘文.
另外,Marketing 101 亦感意外.
有 62 分~~~呢份卷就真係讀晒咁濟啦~~~第一次係識晒份卷.
真係準備0左成個 sem 咁濟~~~
317 66分,可以啦........"唔讀書 10 分都拎唔到",我成日掛係口邊,亦係我成功既主要原因.
318 79分,喜出望外~~~~
再講下上個 sem , 316 一 take 過 ~~ 係可以準時 grad 既主要原因(好多人炒,實力加幸運)
同埋 law 100........好彩好彩.
總之~~~過0左海啦~~神仙啦.
唔經唔覺,係澳洲已經兩年半~~~
呢兩年幾,有開心有唔開心~~~不過都係開心居多0既~~~
係澳洲令我有好大既改變.
我將來就算向乜方向發展,都係因為過0黎澳洲.
完成0左我人生呢個階段,就向下個里程碑進發!!!!!
yeah!!!!!
文章定位：
