(四)
在店內,看著娜姐抱著風鈴,不停的哭,令到娜姐抽不了身.
也因為風鈴,整個西式甜品部停業了一晚,我和格樂忙得不可開交.
由於店鋪只得三個人,沒有其他員工,所以,拖地洗爐這些功夫,也得由我們一力承擔.
「臣少~~好心你請多個人啦~~~~好辛苦呀!!」拿著地拖的格樂,哀求著我.
「你唔覺得所有 0野都係我地三個人做晒好開心0架咩???」
「下???我地三個人做就係~~~但”有d人”咯~~成晚唔洗做都不特止,依家仲係到
“銀銀腳”唔幫手.」同時,格樂的眼直指娜姐.
「唔好句句咁好喎~~~我都有新 idea
想試0架~~但唔通風鈴有事唔陪啦喎~~~同埋做少一晚有乜問題先???反正臣少都唔等錢洗0架啦!!!」娜姐第一時間還口.
身成老闆的我,有點愕然…………我不著緊錢,但都不應該讓員工有這樣的思想吧???
「臣少,炒左條八婆啦~~~」
「臣少~~你炒我唔緊要呀~~但因為少少錢漠視友情~~我鄙視你咯~~」
唉,我最害怕看到的情況又發生,兩人準備開始罵戰.
「呢d0野呀~~下話~~一次半次好啦~~~唔好有下次~~係呢~~~風鈴同家俊有乜事0者????」為免他們罵戰,我急急的轉話題.
這一問後,娜姐和格樂都靜了下來……因為大家都關心舊朋友吧???還是格樂想知道原因,對正下藥,把風鈴變成自己的女朋友???不得而知,不過,這一下是收到了成效.
「係唔係有第三者???」格樂問.
「唔係呀~~~~不過,都係0個d啦~~~畢0左業之後,開頭都好好地,但家俊返0左工之後,越做越癲,完全無時間陪風鈴,但如果自己得閒風鈴又陪佢唔到,又發晒脾風咁喎~~~跟住咪又0個d咯~~~乜你變0左啦~~~以前都唔係咁0架~~~以前第一時間陪我~~點解依家唔可以呀~~~大佬呀~~風鈴唔洗返工0架咩
???無朋友0架咩???久而久之,風鈴覺得辛苦,唔可以再維持落去,咪分手咯………」
「啊~~~原來係咁~~」格樂恍然大悟似的.
「你地d男人呀~~都係賤格0架啦~~」
「我地???我一定唔係咯~~」
似乎關心完朋友之後,兩人又要開始罵戰.
但我的心卻想著別的事情,沒有理會他們.
風鈴和家俊的事,實在令我有點心酸.
愛情就是矛盾至極點的遊戲,縱然沒有第三者,永遠深愛對方,也不代表會有好結果.
因為越是深愛,便越是執著,對一個人早已經泥足深陷,如何教人抽身出來給對方多一點寬容???
就是因為深愛,就是因為執著,令家俊連風鈴顯而易見的難處都看不清,令風鈴和家俊本應一生一世的愛侶分開.
好一場無奈的遊戲,這亦是我久久單身的原因.
在我看不清愛情之前,或者怎樣才懂得叫愛人之前,我不會戀愛,因為愛人只會傷害別人,傷害自己.
沒有理會他們,我呆呆的看窗,沉思.突然……
「哇~~~朝頭早同夜晚都唔好講人!!」我驚訝道.
娜姐和格樂因為我的驚訝而同時望出窗外,也同時驚訝的道:「家俊???」
是啊,我們都看見家俊走到門口.
「唔該比碗西米露丫~~下????大格啦??落隔神皇???」家俊看見我們,都愕一愕然.
「乜事咁錯蕩呀???」娜姐的語氣”好得”可想而知,令家俊有點不知所措
「唏,條八婆都唔知係經期失調定係更年期,short short
地咁~~家俊,我地出去聚下舊…」為免場面尷尬,格樂拉了家俊出去.
拿著兩碗糖水,他們坐在樓梯口 .
「估唔到又會咁樣見到你地~~你地又會係到開甜品店0既???大格啦又會變0左咁多0既???」不見那麼久,家俊不免寒喧幾句.
「唔好講我地,咁你呢???又會無啦啦呢個時間係呢到出現??」格樂問得非常直接.
「我……我……」
「唔好我我我啦~~係唔係因為同風鈴分手~~想懷念一下從前,所以返
0黎???」
「下??」家俊這一下的反應比重遇我們時更愕然.在想為什麼我們會知道這件事?
「所以話你地,根本就係天生一對,一個鐘之前之嘛~~~風鈴先0黎過,同你做埋同一樣0野~~~0岩0岩先走無耐.」
「啊………」聽到格樂的話,家俊立刻明白,猜到發生過什麼事.
「做乜0者???做乜好地地無啦啦分手0者???」
「或者生活迫人0掛????只係一兩年0者~~我地兩個已經好似完全唔夾啦………佢已經完全唔明我諗乜.」
「點解咁覺得呢???」
「好似咁~~有時我要求唔多,只係想佢係空閒時間陪我多一d,但十次總有五次唔得~~~」
「哇~~十次有五次得喎~~~你仲想點呀???」
「但係我朝九晚十二,日日搏命咁做為
0左乜喎~~~~咪係為0左大家~~~點解當我為之餘~~~佢點解唔肯將我放係佢既第一位???唔係十次有十次得???」說著,家俊激動開來.
「等等先~~~~你話你朝九晚十二,點解依家十一點幾又係呢到出現??」格樂沒有回答家俊,反而看似”捉字蝨”的反問家俊.
「嗯………同亞玲分手之後,好似咁搏都無乜意思~~~咪好d走咯~~」
「咁未分手之前,又做乜咁搏???」
「我都係想大家可以快d去格凌蘭睇一次日落0者!!」
「人地有話一定要去咩???你一廂情願做乜???」
「但係………」
「但乜鬼0野係丫~~~其實你既出發點都係為大家好~~偏偏就唔識表達~~~好似咁~~~風鈴十次有五次出現,你又知唔知0個五次為你犧牲幾多???甩人底又或者第二晚通宵,又何嘗唔係想見多你一面~~~你點解咁都睇唔到???」
似乎格樂的反問一針見血,家俊無言以對,良久,家俊才開口:「雖然你講得無錯………但係可能我地太習慣亦喜歡以前,時光流逝,生活改變但我地無隨住改變………慢慢越隔越遠……變得唔再適合我…」
「唔適合???咁你話比我知啦~~~乜0野溝西米露先係最好味???」
「西米露????」格樂的一句,令家俊摸不著頭腦.
「答我啦~~~」
「芋頭或者蜜瓜0掛……好多人都咁覺得0架啦~~」
「錯啦……西米露其實溝乜都好味,只要你適得佢調教西米露底……溝生果就係煮濃d,因為生果出水會變稀,無味~~~掉轉,芋頭煮就唔可以咁杰,如果唔係變糊仔…太濃變得濁~~~~同樣,邊個話純情可愛小生女配唔起上班大忙人???一定要成熟穩重
OL 先匹配???無
0架~~~一個好男人正如一碗好既西米露底,濃d就代表緊張,關心,呵護,令到感情唔會淡而無味,稀d
就代表空間,自由,寬容,令到感情唔會變得透不過氣……………明唔明??」
「啊…………我既係唔夠稀??」
「高材生既係高材生,一點就明~~~」
「但點解要係男人變去遷就,唔係女人變去遷就??」
「唉~~~做男人就係咁蝕底,
因為女人就係生果,係咁既味就咁既味………既係一條蕉無辦法變士多啤梨味……但係西米露就唔同呢,就算煮緊,都可以慢火或者猛火,加糖或者加水去調教~~~~所以你鍾意溝佢,就得改變自己~~~~如果溝出0黎濃淡唔適中,稀杰唔均勻,不如唔好溝好過啦~~~~」
「嗯…………」
「咁你仲溝唔溝風鈴呀???你唔溝我溝啦~~佢應該仲等緊尾班車呀~~」
「多謝你碗西米露呀~~我知點應該點溝,碗西米露先一世咁好味~~」
二話不說,家俊已經差不多離開了我們的視線.
糖水的奧妙之處,或許是把兩件不可想像混在一起的東西,配合得出奇美味吧???
<待續>
故事全屬虛構~
如有雷同~實屬巧合~
文章定位：
