(五)
每日如常,夢甜門前總是人來人往.
生意好,我們當然開心,但是,生意好同樣令我們失去了很多私人空間.
雖然我們只是在八時半至十二時半左右營業,可惜是,無論購貨,店鋪裝飾,設計,甚至打掃,都是我們三個人負責.
我是不是該像格樂所說一樣,多請幾個人??
不過,我還覺得沒有這需要,原因,是我們三個太多私人時間吧???
這晚如常,我在外幫格樂,娜姐獨自在店內.
在舊人去後,新人來前,我和格樂總有一段時間閒談.
「唉~~臣少~~我遲早要離開夢甜0架啦~~」格樂嘆氣.
「啊????做得唔開心咩???」這一句實在令我摸不著頭腦.
「你睇下~~~~係夢甜做既人~~個個都單身~~~你話如果我想結婚,有乜辦法唔離開夢甜丫???」
「低能~~~單唔單身同你係唔係到做無關係0架~~」
「無關係???我地因為呢間0野~~~生活都完全掉轉晒啦~~~」
「咁點丫~~~你係唔係真係想唔撈丫???」
「又唔係~~~~聽日想同你請日假咁解0者~~」
「我cher ~~~ OK 啦~~~請日假有乜問題丫~~不過~~做乜先??」
「我又話無拖拍又要請假~~咁緊係溝女啦~~~問~」
「咩女呀???」
「有人0黎啦~~~開工啦~~~問~~」看見人群,我和格樂都不禁害怕起來.
一碗一碗的糖水,不同的硬幣和紙幣,地拖,鎖匙,展轉間,我已經在床上.
想想風鈴和家俊,想想近來發生的趣事,不經不覺又入睡了.
「小姐~~~你碗四色甜蜜呀~~」
「啊~~唔該~~」
「啊臣少~~~你溝女~~」
「哈哈~~~唔知邊條友講過唔會咁快拍拖住呢???」
「我………啪.」
我醒了.
原來已經五時多六時.
張開眼那一刻,我真的分不清是夢還是現實.
不過這種感覺我已經嘗試過太多太多,在那一剎之後,我便知道,剛才所看到的,是夢.
剛才的夢,我記得好像是某個夢的下一集.
用下一集形容夢,有趣嗎???事實上,這個夢已經有好幾集或好幾十集了.
我經常懷疑夢裡是否有另一個自己活著,相同的人,相同的地方,卻做著完全不同的事………我在夢裡見過格樂做西點,娜姐吃糖水……這是現實中不會發生的.
而在夢裡的我,好像有戀情發生喎……我傻得趕快合上眼,希望繼續做夢下去.
不過,事與願違,到了七時,我都睡不著,而且還更加精神.
我在想,為什麼我在工作後,睡夢中,還會想到夢甜???會不會是我太久沒放假???
沒有理會時間,我致電了給娜姐.
不過結果也在預料之內,手提關了,家中的電話也接不通.
所以我留了口訊和 sms 給她,說放假一天,明天請早.
睡不著,我便開始呆在電腦前,一直在想,在夢中所見的四色甜蜜,究竟是什麼樣?
搜尋著,開始索做四色甜蜜的味道,外表,是中還是西,是甜還是酸……
在我有了基本的構思後,已經到了中午.
所有事在我的腦海中幻想得太完美了,我很期待四色甜蜜的誕生……反正今天夢 甜的廚房可供我自由使用,便回去完成它吧,順便在門口也貼多一張”今天休息,明天請早”
興高采烈的回到夢甜,但當我在不遠處之時,看見一個人影從夢甜走出來.
有賊麼???不可能吧??夢甜內實在沒有什麼可偷………如果他想偷的是廚具,我還要多謝他!!!!我早已想把舊的換掉,只是煩惱如何把舊的東西搬走吧~
但看真一點,這個人不是賊,而是中式甜品部主管,格樂.
又說要放假,又回來夢甜???難道他想用美味的糖水去換取美女的芳心???
基本上,我不介意他們在夢甜拿走些什麼,但如果格樂動用公司資源去結交異性而不匯報上司,這是身為老闆的我萬不許可的事情.
這件時,足以令我把四色甜蜜忘記得一乾二剩,鬼鬼祟祟的跟蹤他.
一直跟蹤他,不經不覺,到了醫院………啊~原來他今天請假,就是為了探病.
但這個人中之敗類,平日一點同情心都沒有,這使我更加肯定,病人一定是個美女!!!
追縱著他,不過他好像很熟悉醫院的路,兩三下了已經離開了我的視線.
怎麼會這樣吧????不可能!!我一定要看一看這個美女.
在醫院裡亂撞,就在轉角位……
「臣少???」我和格樂迎面相撞,他顯得不知所措.
「係呀~~~又會……咁0岩0既???」很牽強的說話吧??
「你個樣………唔似係咁0岩喎…」
「哈哈哈~~~」多年朋友就有這樣的不好,不容易欺騙的,接著我便把一切的經過告訴格樂.
「原來係咁……八公.」
「咁你仲唔拿拿臨介紹個靚女比我識??」
說到這裡,格樂突然面色一沉.
「無0野嘛???突然間咁既嘴臉??」
「我臉色好難睇咩??」
「係啦……」接著,格樂沈默了一會兒,少有的悲哀,出現在他的身上.
「你想睇靚女呀???跟我0黎啦……」
一路上,格樂的默言無語,我不敢惹他,只是默默的跟他走,走到一個病房前.
在病房內,一個樣貌清麗的美人兒,睡在床上.
「喂喂~~~我地咁大搖大擺咁行入0黎,會唔會整醒佢0架???」
「如果你可以整醒佢既話~~我幫你免費打一世工,又點話.」
聽到格樂的說話,和他的神色我,我才注意到這裡是昏迷病房.
「格樂……佢係你……?」
「女朋友.」
「下??做0左朋友咁耐,都唔知你拍過拖喎!!」
「臣呀~~~~~我地幾時開始 friend 0架??」他沒有理會我的驚訝,反問我起來.
「中四嘛…………我係第二間中學轉入0黎既時候…」
「佢,就係中三時候識0既………我既初戀…」
「點解我唔知0既???」
「呢件事,一路都無人提過,無人想提,中四入0黎既你~~更係唔知…」
「件事……我可唔可以知??」
「其實都係一次拍完拖返屋企……我只係送佢到去車站而無真真正正係樓下……比色魔埋伏,當我知道呢件事既時候,佢已經係一個漂亮既睡公主……」
這時,格樂捉住了她的手,喃喃自語起來.
「你知唔知………佢真係好可愛……中二既時候,我地係同一班,我已經比佢甜美既笑容給引住………每日都跟佢落糖水鋪,但就係唔敢同佢傾計,突然有一日,佢走埋0黎同我講喎~~~不如一齊食糖水丫~~~就係咁~~~我就開始鍾意糖水啦~~好簡單相識,最直接既表白,令到我得到一段最刻骨鉻心的愛情,每日返學放學食糖水………點解件事會發生成咁???」
「呢d咁既事……無人想發生……」
「我唔明白我點解咁愛佢,點解放唔低佢,只係初戀0者……乜都無發生過……點解可以咁震撼??八年啦,八年內我都搵唔到比佢一個更可愛既女仔……越係比較,我越覺得愛佢………佢就好似我心中既一個烙印,無論點,都揮之不去……睇住佢一日一日既長大,我會幻想如果身邊有佢,我既生活點唔同 ………我甚至幻想到,佢雖然昏迷,但都可以從我既味覺得中得到味道……我鍾意佢,已經鍾意到一個自戀既地步……」
「格樂…」
「知唔知我點解同你咁 frd 呀??」
「嗯…」
「或者係你似佢0掛~~~陽光既笑容,開朗,放學一齊食糖水……」
「係咩…」
「漸漸,我已經發覺,你好似完全代替 0左佢……我對佢既愛,盲目咁投射係你身上………理智上話比我知,我同你根本唔可能…但或者,我只係愛上一份感覺,愛上一份超出男女關係既感覺………沒有肉體關係,只係純粹只有特定兩人之間擦出既感覺………當你同佢都有相似既特質,擦出相同既感覺既時候………或者我對你唔係朋友咁簡單,只不過係連我都唔想承認………………………我鍾意你…………」
<待續>
故事全屬虛構~
如有雷同~實屬巧合~
文章定位：
