今日應該會係最後一日係澳洲寫野啦........
因為聽日要執0野,星期日就要出去接亞媽亞爸yoyo.
重提舊調,我其實一直都唔認為自己可以 keep 住有恆心寫0野~~~
但寫寫下,咁又年幾............
其實由我第一日0黎到澳洲到依家,感覺依然唔係咁好.
我覺得,係澳洲就係好似一隻籠中鳥咁...
唔係話無地方去,無地方玩,而係我不斷咁受緊讀書既壓力,令到生活有一道枷鎖.
例如一定要 grad 呀~~唔可以炒咁.....
心理上有一定既壓力呢.
不過係澳洲就引發0左我另一樣能力:寫作.
唔理寫得好唔好,但我真係幾鍾意寫0野~~~
無論故仔,感覺,都好想好想話比我諗緊乜,但以前就無方法表達,而係我太無聊既時候,我終於搵到~~原來我係識寫字0架~
一路既磨練,雖然依家仲係唔得~~~但已經比從前好上好多.
我其實有d 怕返0左香港,就作唔到0野~~~因為試過啦(星命就是好例子.)
但就當係另一種考驗啦,睇下我對寫作既喜愛程度去到邊,仲會唔會係繁忙既日子特登抽空出0黎寫0野.
係澳洲,有悲有喜啦........開頭唔適應就好辛苦,後半段就好好多...
就係多得作故仔,佢用0左我好多時間(有故仔連載既時候,可以用上我全部既空餘時間.)
亦都估唔到係澳洲都識到傾到計既朋友,真開心.
我都係0個句,如果第日有乜成就都好,我都要慶幸我係澳洲出現過.
文章定位：
