(二)
夢甜準時營業,門外也漸漸變得人多起來.
夢甜在這區,甚至在全港,也略有名氣,原因,或許是糖水足料之餘,品質也很好,所以便知名起來.
這刻,這間小小的甜品店外,人群擁擁,都是排隊買糖水.
但這間小小的甜品店內,雖然數張桌子都坐滿人,但一點都不感擠迫,客人們正在細意品嘗手中的精緻甜品.
身為老闆的我,其實也不想這情況發生,皆因香港是一個”平等”,”沒有歧視”,”不會官商勾結”的社會嘛,所以我也想”中””西”平等嘛(中式及西式甜品),但是西式甜品主管戴嘉娜小姐說甜品是要”色香味”俱全,說一定要坐下來慢慢欣賞,又說如果不把店內所有位置給她,她會離開,無奈地,中式甜品主管及老闆唯有讓步………
而為什麼身為老闆的我,不把店鋪擴大???
原因……是因為我有錢吧???我從來不計較金錢上是得還是失,我只希望三個人快快樂樂在這裡工作,看著客人開開心心吃甜品.
所以我沒有擴大這甜品店,是因為不想多加員工來幫來,來入侵這融洽的關係.
正當娜姐(因為她不準我們稱呼她為”大格啦”,我們又不想叫她全名,所以唯有這樣稱呼她.)在店內慢慢侍奉客人時,我和格樂在外卻忙得不可開交.
「紅豆沙丫唔該!!」「好呀~」
「黑白(芝麻糊加豆腐花)」「等等~~」
「士多啤梨西米露」「臣少~~去切士多啤梨啦」「又係我????」
「喳喳少甜丫唔該~~」「少甜???咖啡奶茶呀???你係唔係玩……嗯嗯」「唔好意思,我地唔提供少甜服務.」
當一輸人流離開之後,我們才能偷閒一下,準備應付下一輪人群.
「點解你會準娜姐要晒入面0架~~你點決策0架??點做老闆呀???」
「哇哇哇~~你唔好堆晒係我身上,你當時都話ok 0架.」
這時,一名女子走到門前,說:「唔該比碗紅豆沙……」但說著同時,她疑惑的望著我們.
「依???咁熟口面0既???」格樂看著這女子,好像故人一樣.
「係喎係喎~~~」我看著她,都好像記得在那兒見過……三人互相凝望著.
「落格神王???」這女子叫著我們在中學時的花名.
「花癲鈴????」我們也喊我們給她的花名,其實她的花名叫”風鈴”,因為她叫玲,她的歌聲又跟風鈴一樣好聽,不過我們第一時想起的是”瘋鈴”.
「依~~你地………係到開甜品鋪0既???」
「係啦~~母校附近嘛~~有感情呢~~~」
「係呢……有感情…」說著,她有點傷感.
「係呢~~~」這時,又有一群人走過來.
「喂喂~~唔講住,好忙~~你入去搵娜姐啦~~佢好得閒.」格樂說得有點”不悅”.
「娜姐???」她有點不明所以.
「大格啦呀~~~」我解釋道.
「啊……」說著,她已經走到店內.
「風鈴????」娜姐一眼便認得出她.
「大格啦???你變0左好多呀~~~靚 0左好多呀~~」風鈴高興地高聲說.
「哇~~~花癲鈴大話到咁0既???」格樂說著,很不悄.
「咁佢又無講錯喎~~~由零到五十,都可以叫靚0左好多~~」我
兩人相認後,便坐下來聚聚舊.
「綠豆沙丫唔該~」「老闆~~你睇下你d員工丫~~唔洗做 0架!!!」
「你再嘈丫呀???我唔理你得你一個人做~~」這刻實在太忙,我沒有時間理會他,她,她.
當娜姐把所甜品拿給客人後,兩人便坐下來閒談著.
兩人在校內雖然不算太熟,但舊同學相遇,總是話題多多,就是風鈴問及娜姐為何這樣大轉變,都說上了半小時.
「係喎~~~~~家俊呢???唔同佢一齊0黎???」家俊是校內的俊男呢,那時和風鈴是公認的一對,他們也笑言說”打風都打唔甩”.
「哦……我同佢就係散0左………所以我返 0黎呢頭懷念下……」風鈴雖然說得平淡,但明眼人都看得出,她是很傷心的.
「下………你地……點會散0架????雖然無見你地~~但聽其他人講你地都好好0架喎~~」
「嗯……其實好簡單……出0左0黎做0野之後………大家都變0左好多………似乎……我地之間既感情太過單純……受唔住社會既衝激……」風鈴說得無奈,就好像在說,事實就是這樣無奈,縱然大家曾經這樣深愛對方.
「但係……唔覺得好可惜咩??」
「無辦法啦………大家再係咁落去~~已經再無意思 ……」
「啊………既然再無意思~~點解仲要返0黎呢頭~~懷念過去???」
「無意思0既………只係現在~~但係過去~~實在太開心……記唔記得0個時 geog miss 講過~~~格凌蘭可以係日落既海岸線睇飄雪??0個時我同家俊都講過要一齊去……我真係開心到想第一時間嫁比佢………但係………已經成為過去……」說到這裡,風鈴已經沒有再作聲,獨自一個低下頭來.
娜姐不知說什麼好,突然,她說:「等我一等~」便走進了她的”工作間.
風鈴繼續低頭,不讓人看到她的臉.
不一會,娜姐便拿著一碟甜品出來,說:「風鈴………望下先啦……為你整0架……為你做0架……叫”戀戀格凌蘭”………」
風鈴看著那碟底鋪滿藍色的啫喱粒,加了個芒果雪糕球,再在上面灑滿了椰絲……不知不覺,兩行淚從眼中流出來.
「喊出0黎啦………喊出0黎舒服d~~」娜姐這時也抱住了她.
為何甜品一定要”色香味”俱全??
或許,漂亮的造型,在無言間已經觸動了你的心靈,使你在未品嘗前已經覺得這甜品是世間極品.
<待續>
故事全屬虛構~
如有雷同~實屬巧合~
作者的話:因為無時間修改,可能錯字百出,多多包涵.^o^.
文章定位：
