(二)
就在夢甜的門前,拍擋門都等待我.
「臣少……………乜今日咁遲呀???」說話的是個男,他走過來拍著我的肩膀.
這個男的,叫王格樂,是我中學時已經相識的老死,一起逃學,一起儲錢買唱片,大家為了貪吃多一串魚旦而步行回家………雖然我家境富裕,但小時候爸爸從不給我過多的零用錢,免得我變成只懂揮霍無度的二世祖………在沒有金錢的大前提下,我和他可是真真正正的友情啊………
而我和他的共同興趣都是小吃呢~魚旦炸大腸牛雜無所不好,不過特別是糖水,在糖水鋪前,大家都舉棋不定呢,因為太多款式太多組合,都可以變出不同的味道,只是豆腐花,紅豆沙和芝麻糊,剩吃和兩溝已經教人不懂如何選擇.
所以當我決定開一間甜品店的時候,第一時間就想起王格樂,而對糖水有特別感覺的他,令他成為夢甜的糖水部主力.
既然我和王格樂都那麼喜歡糖水,為什麼夢甜是甜品店而不是糖水鋪???
原因是有我另一位拍擋在,現在站於門前沉思的女孩,戴嘉娜.
戴嘉娜,也是我中學時的同學,不過不算太熟,而在中學,他是典型的四眼書生,還要讓起起了一個尷尬的花名,”大格啦”,使她更加內向………所以我不曾留意她.
直到有一次.
記得我和王格樂在學校附近的糖水鋪.
「喂………食乜好呀???」王格樂問我.
「我唔知呀…………乜都想食喎………」
「咁不如你食西米露,我食芝麻糊,之後再交換一d,再之後大家拎一d出0黎溝,睇下好唔好味啦………」
「痴線~~~一諗就知西米露同芝麻糊唔夾啦………不如你食紅豆沙啦……」
「紅豆沙同西米露溝0左都唔好味啦~~~鬥甜咩~~~~~~依依~~你睇下~~”大格啦”係0個邊喎~~」我看過去王格樂所望的方向,我看叫戴嘉娜站在一間雪糕店前.
「依~~~佢唔係放學就會返屋企鋤書既人0架咩???」我好奇問.
「問下咪知咯~」王格樂一下了已經走到戴嘉娜旁,嚇得她退後了兩步.
「戴同學………做乜放學唔返屋企呀??」王格樂的語氣十分惹笑,原因我從未聽過他這樣正經稱呼戴嘉娜.
「我……我……想食雪榚咯…」似乎內向的她,不懂應付我們這對頑皮的同班同學.
「咁咪食咯~~~」我倒是覺得奇怪,要吃便吃吧,為什麼要站在門口猶豫似的.
「我………我………我………」戴嘉娜欲言又止.
「有乜就講啦~~做乜吞吞吐吐~~」王格樂真明白什麼叫做得勢不饒人.
「我想食蜜瓜味,又想食芒果味……新款式既士多啤梨果肉又好似好好味,不過我唔夠錢,買得單球咋………」她說得十分害羞.
同時,我和王格樂對望而笑,心靈相通,好像知道大家想什麼似的.
「笑乜喎..」戴嘉娜十分不知所措.
「無……… 我估唔到我地班除0左我同格樂,仲有咁為食既人……」我笑著說.
「嗯~~~所以我地決定今日唔食糖水,拎埋d錢出0黎買香蕉船,等你可以乜味都試晒.」
當戴嘉娜好像還不相信的時候,我們已經走進了雪糕店.
對著香蕉船,戴嘉娜顯得和平日不同,大談對甜品的心得……說東又說西.
就這樣,我們這為食三人組,便同行到現在……..而戴嘉娜是西式甜品的主力呢.
亦因為中西合壁,所以夢甜是甜品店,不是糖水鋪.
「喂喂~~~大格啦~~諗緊乜呀??」我輕拍在門前沉思的戴嘉娜.
「我諗緊今晚推邊d甜品好,你知啦………甜品除0左要好味之外,仲要精美細致…所以一晚只可以做兩三款….…唔係好似d人咁,求其溝d唔知乜出0黎又要人試…………粟米西米露…嘔吐物咁……哇哈哈…笑死人.」
現在的戴嘉娜,已經放下眼鏡,顯出了那本應不錯的臉蛋,而剛剛才電曲了的大波浪,更令她散發出女人味……不過同時她越來越像女人了,剛才的說話,有骨得直指王格樂.
「西米既口感加埋粟既爽甜,都唔知幾多人讚幾好味,唔似得好似你咁~~~一無所出.」王格樂在還口.
「乜一無所出呀???」嘉娜不忿氣.
「咁又唔係一無0既~~~一晚出得0個兩三隻款,得四五十分,你都唔見d人0黎到無得食既時候幾咁失望呀~~你要睇到人地咁樣先開心~~~你話你丫~~幾唔顧人地感受幾咁毒辣丫~~~」
「我唔似得你無品質保證呀!!」似乎開始想動手了.
「喂喂~~~唔好鬧交啦~~~入去做0野啦~~~」當我打了個圓場之後,兩人都不忿氣地走到自己的工作地方.
那我呢???我既不是中,由不是西,我要做什麼呢???
一間店鋪總要有人打點一齊吧???我就是收錢至侍應,甚到幫忙兩位大師的萬能打雜.
說到這裡,我還未介紹,我姓洛,叫格臣………格代表品格,臣代表氣度,本身不錯吧??
可惜我姓洛,全名便叫做”洛格臣”, 誤會的便會以為是”落格神”………
而和王格樂的相識,是因為他的名字倒轉來讀,便叫做”落格皇”呢.
我們一神一皇,很快便相識起來………
落格………是一種非常不要得的行為……而我還叫做落格神,是否不適合做生意呢???
我不知道,不過看著鬥氣的二人,怪沒有管理能力的自己便開始明白自己可能真的不適合做生意.
不過,夢甜這間小得連十個人都未必容得下的甜品店,都會在八點半,眾人都吃過晚飯後,記掛甜品時,準時營業.
<待續>
故事全屬虛構~
如有雷同~實屬巧合~
文章定位：
