24h購物| | PChome| 登入
2006-01-07 00:22:10| 人氣39| 回應0 | 上一篇 | 下一篇

6 – 1 – 2006 星期五

推薦 0 收藏 0 轉貼0 訂閱站台

今日一早去銀行幫老闆攪支票D野，點知我發緊夢，明明係恆生但又走左去匯豐銀行，仲到排完隊到我先知，瘀死呀!! 之後O係恆生整左半個鐘先攪掂，結果兩張支票既簽名都唔岩，都拎唔到錢!!

之後一路做左成日野，好攰呀，冇停過手，中途同JORDY傾左幾句，佢話佢今晚會見QUEENIE，比番佢地3個仔佢，唔知又會唔會有D意料之外既事呢?仲同佢約好左星期日去釣魚，我都開始鐘意呢個活動，因為真係令人好舒服、好自在，好似咩煩惱都冇哂，與世隔絕咁，好RELAX!! 不過係車程遠左D同哂左D囉，但基本上都幾鐘意既!!!係一個幾好既活動，JORDY仲話估唔到我會鐘意，仲諗我一定唔去TIM!! 哈哈!!

今晚終於都見到佢喇，我冇介意佢外表，可能我真係愛佢啦!! 我知道佢好緊張，佢驚我介意佢個樣，驚我對佢冇左感覺，但我真係冇變過，對佢既感覺依然係冇變，但我唔知點比信心佢，我知佢一路行都好緊張，所以佢拖我都冇縮到，亦冇抗拒佢攬我，我希望咁可以表達到我真係冇變到，比到信心佢，除此之外，我都唔知可以點做喇!! 不過後來佢都冇咁緊張，可能佢知道我真係冇變到。我明白佢既緊張就正如我都驚佢會嫌棄我一樣，或者大家都對大家未有一定既信心啦!! 而家見左之後，我相信我地既感情都會好D，之前好多時係因為呢個原因而嘈，而家解決左，之後一定會好好多!! 今晚我真係好開心，我都希望佢可以同我一樣咁開心，同佢拖手既感覺真係好WARM、好SWEET同好幸福!!

我要檢舉
台長： 開心既茵
人氣(39) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文