24h購物| | PChome| 登入
2005-12-30 19:58:57| 人氣28| 回應0 | 上一篇 | 下一篇

29 – 12 – 2005 星期四

推薦 0 收藏 0 轉貼0 訂閱站台

今日都冇咩特別野，做野做到六點鐘就走，今日一路都冇機會同佢講今晚同sunny佢地去睇戲，好在佢六點打黎時我同佢講左，我知道佢好唔舒服架喇，如果唔係都唔會咁早走喇，仲早走過我，我做到六點半左右就走喇，去到APM等佢地等到8:15 P.M.，中途因為咁岩JORDY過黎同佢女朋友食飯，咁所以我順便比番部MP3佢，亦同佢傾左幾句，睇怕佢今次都有排煩，唉，係咪男人永遠都係花心既呢?? 完全唔知自己想點，兩個都鐘意，真係唔知佢點喇，希望佢今次做得好D啦!! 我都冇咩意見可以比佢，睇佢自己想點啦!!

咁我就等到8:30P.M.左右佢地就到喇，我食飯果陣SEND左MSG比佢同佢講我睇戲喇，番去先打比佢，點知佢就打黎喇，問我同邊個去，我其實之前已經講過，如果O係佢地面前講既話，佢地地實問邊個，又會問點解佢識佢地等等既問題，但因為我唔想答，所以我回避左佢問題，結果換黎既係佢既不滿同責罵，我都知道一定會咁，但我寧願同佢解釋，好過同佢地講佢係邊個，因為我唔想對佢地交代咁多，覺得冇咁既必要。好在同佢講完都冇野，我知道因為佢病同我唔肯講而令佢發脾氣，係我唔岩既，所以乙水番佢都係應該既!! 但我真係希望佢明白我有時唔想O係朋友面前講佢地個名，而令佢地問係邊個黎囉!!

今晚睇既KING KONG，真係好好睇，好刺激，中段仲好似睇恐怖片咁TIM，好核突，有一幕我都比我身邊兩個男人嚇親，因為佢地既反應都幾大，哈哈!!最衰我隔離對情侶，講足全場，開場講到散場，個女仔勁多野問，個男仔又好有耐性答喎，不過D答案都唔岩既，唔好答好過啦，我心諗唔知就咪答啦，嘈住哂!! 不過總括黎講都係一套好戲，PETER JACKSON始終都離不開魔戒個套，特別係D森林場景，同魔戒同出一撤，好相似，亦好有震撼力，係開頭交代情節比較悶D，中段開始都全無悶場!! 除左英雄難過女人關外，連怪獸都一樣逃不過女人既魔力，結果亦係為女人而死，真係好可惜…..個女主角既尖叫聲真係好勁，完全不能少看女人既聲線，佢亦都幾靚，相信佢都應該會紅既!!! 今晚終於睇左我一路期待已久既KING KONG，都總算無令我失望!!!

我要檢舉
台長： 開心既茵
人氣(28) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文