今日好多野做呀，好攰好攰……..成日忙到團團轉，老闆同老闆娘鬧大交，已經唔係第一次架喇，點解唔可以心平氣和咁講呢?? 佢地咁樣係好影響員工既情緒架!! 唉….佢地鬧交又搵著我黎攪，結果d野就比哂我負責，好煩呀!! 連佢私人戶口都要管埋…….
臨放工，老闆娘先比疊野我整，又十幾份costing要出，上次問佢，佢就話冇哂，而家又整多十幾份過黎喎……比佢激死喇!! 希望聽日可以集中出哂佢啦!! 今日同JORDY講左幾句，佢既情緒好似都唔係太好，心神彷彿，我都問佢究竟知唔知自己做緊咩!! 佢話知，仲話我知QUEENIE 想約佢出黎食飯睇戲，但佢拒絕左，不過詳細我都未清楚最後係點，只知QUEENIE不停問原因同問幾時發生，咁又係既，的確係幾唔甘心，無啦啦比人搶左男朋友，比著我可能都會咁，不過我又有可能咩都唔問，竟然對方有咁既決定，知道答案又會唔開心，點解仲要尋根究底呢?? 可能係逃避既表現，但都係想自己好過D!!
今日同同事夾份買六合彩，自己亦寫NO.買左條，雖然期望唔大，但都想中少少既，加上放工時仲中埋頭獎，可以在地鐵內比報紙擲中喎，真係第一次，可能我太集中睇緊D野啦，完全唔知份報紙從那裡飛落黎!! 既然咁都中到，可能有機會中3個字喎，哈哈!!
之後同SUNNY在樓下食飯，順便傾星期一UFO 生日去邊度食，仲有21號BBQ等等…….到九點幾就番上樓喇!! 同TERRY傾左陣，初時都好地地冇咩野，佢收左線之後，打比佢又冇聽，之後再打佢先話岩岩番去，之前又冇講過，又話攰，佢好悔氣呀!!攪到我想問多幾句都唔敢。之前問過佢記唔記得聽日約左我，佢就話攪掂個FILE就OK，佢手上有咁多個FILE要做，根本冇可能有做哂既一日，成日都係咁?? 我真係已經好忟喇，我唔想我D朋友問起我永遠都係話未，一路咁推，我覺得我D朋友既關心對我開始做成壓力，希望佢地唔好再問，我唔想再答，我怕我真係有一日忍唔住會發佢地脾氣，叫佢地以後唔好再問，唔想答，好煩呀!! 原本心情都幾好，但而家已經係好嬲、好忟、好唔開心，佢根本無正面答我得定唔得，要睇聽日進度，點解次次都係咁?? 叫我唔開心要同佢講，佢有比機會我咩?? 有時想同佢講既時候，偏偏佢就唔得閑，過左我又唔想再講! 我明白佢有壓力，但我都有情緒，佢心情唔好就可以話我，甚至發脾氣，咁我呢? 因為我愛佢，所以要包容同接納，都冇其他辦法啦!! 唯有O係度呻下就算數~~~
今日好多野做呀，好攰好攰……..成日忙到團團轉，老闆同老闆娘鬧大交，已經唔係第一次架喇，點解唔可以心平氣和咁講呢?? 佢地咁樣係好影響員工既情緒架!! 唉….佢地鬧交又搵著我黎攪，結果d野就比哂我負責，好煩呀!! 連佢私人戶口都要管埋…….
臨放工，老闆娘先比疊野我整，又十幾份costing要出，上次問佢，佢就話冇哂，而家又整多十幾份過黎喎……比佢激死喇!! 希望聽日可以集中出哂佢啦!! 今日同JORDY講左幾句，佢既情緒好似都唔係太好，心神彷彿，我都問佢究竟知唔知自己做緊咩!! 佢話知，仲話我知QUEENIE 想約佢出黎食飯睇戲，但佢拒絕左，不過詳細我都未清楚最後係點，只知QUEENIE不停問原因同問幾時發生，咁又係既，的確係幾唔甘心，無啦啦比人搶左男朋友，比著我可能都會咁，不過我又有可能咩都唔問，竟然對方有咁既決定，知道答案又會唔開心，點解仲要尋根究底呢?? 可能係逃避既表現，但都係想自己好過D!!
今日同同事夾份買六合彩，自己亦寫NO.買左條，雖然期望唔大，但都想中少少既，加上放工時仲中埋頭獎，可以在地鐵內比報紙擲中喎，真係第一次，可能我太集中睇緊D野啦，完全唔知份報紙從那裡飛落黎!! 既然咁都中到，可能有機會中3個字喎，哈哈!!
之後同SUNNY在樓下食飯，順便傾星期一UFO 生日去邊度食，仲有21號BBQ等等…….到九點幾就番上樓喇!! 同TERRY傾左陣，初時都好地地冇咩野，佢收左線之後，打比佢又冇聽，之後再打佢先話岩岩番去，之前又冇講過，又話攰，佢好悔氣呀!!攪到我想問多幾句都唔敢。之前問過佢記唔記得聽日約左我，佢就話攪掂個FILE就OK，佢手上有咁多個FILE要做，根本冇可能有做哂既一日，成日都係咁?? 我真係已經好忟喇，我唔想我D朋友問起我永遠都係話未，一路咁推，我覺得我D朋友既關心對我開始做成壓力，希望佢地唔好再問，我唔想再答，我怕我真係有一日忍唔住會發佢地脾氣，叫佢地以後唔好再問，唔想答，好煩呀!! 原本心情都幾好，但而家已經係好嬲、好忟、好唔開心，佢根本無正面答我得定唔得，要睇聽日進度，點解次次都係咁?? 叫我唔開心要同佢講，佢有比機會我咩?? 有時想同佢講既時候，偏偏佢就唔得閑，過左我又唔想再講! 我明白佢有壓力，但我都有情緒，佢心情唔好就可以話我，甚至發脾氣，咁我呢? 因為我愛佢，所以要包容同接納，都冇其他辦法啦!! 唯有O係度呻下就算數~~~
文章定位：
