今日係2005年既最後一日，好在唔駛番工，訓到下午十二點先起身，約左ANNIE、CARRIE同YUKO在銅鑼灣等，今日終於都可以實現多年來除夕夜去APPLE COUNT DOWN，我地個個都準備哂乾糧，大家都相信辛苦過今年之後，一段時間都唔會再黎架喇!! 我地原本揀好左個位諗住可以MARK定位，點知規定左即使唔入大台，都一樣要排隊，結果我地5點半左右就被迫要一齊排喇，不過好在個位都同我地原本揀既差不多，睇到蘋果亦睇到個大電視，好在冇遮冇擋，十分清楚!! 我地入到去一陣就坐O係地下喇，其實都唔係好迫，都有好多位比人坐低，不過見到附近有兩個女仔佢地可以由下午5點企到12點，真係好勁!!! 到7點幾，SUNNY都過埋黎，咁岩ANNIE佢地去TOLIET，所以博到帶埋佢入黎，算好彩啦!!到左9點鐘終於開SHOW啦，好多歌星都有到，有我好欣賞既側田、衛蘭、JOEY、古巨基、陳奕迅、何韻詩、TWINS、陳小春、周麗淇、應昌佑、王宛芝…….可惜冇我一直期待既楊千嬅，係有D失望，不過有側田補數，好多人都好支持佢，佢唱現場真係好好，好正呀!! 好多人都為佢歡呼!! 雖然企左咁耐，但都係好值得，個氣氛真係好好，今年仲係第一年加插煙花效果，真係好靚，好開心，如果佢可以同我一齊過，我一定會更加開心，會好鐘意呢個2006年既來臨!!
完左之後，佢地提議去食糖水，但我對腳真係太攰喇，加上唔想太夜番去，想早D番去打電話比佢，同佢傾計，所以我都冇同佢地去到!! 自己早走左，仲比佢地話我深歸，我都係第一次唔同佢地一齊去架咋，但為左佢，唔緊要啦!! 我電話又一早冇電喎，成晚都飛左條線去CARRIE度，一完SHOW即刻開番諗住嘗試CALL佢，點知打左十幾次都係唔通，直情熄埋機TIM，咁我都諗住番去先CALL佢!! 番到去同JODRY約好先打比佢，點知打左幾次都冇人聽，唔知佢冇咩呢? 我都有諗過唔知佢會唔會又同佢老豆嘈，但諗下應該唔會既!! 等左一陣佢終於都打黎喇，佢真係同佢老豆嘈，仲好唔開心，佢下午打黎我先知佢去睇多次醫生，我真係唔知佢仲未好番，昨晚佢都好番D架喇，仲話要溫書TIM，我真係唔知佢咁唔舒服，佢話我掛住玩，唔打比佢，冇關心佢，我都唔知點講好!! 我電話全日冇電，CARRIE電話都唔係好我好多，唔通我仲成日用人地電話咩? 加上果度真係好嘈，即使佢打黎我都真係聽唔到佢講野，咁我打去有咩意思呢??我知道我都有Ｄ唔岩，佢病都唔關心佢，但我真係唔知道佢嚴重左，我一路都有掛住佢架，但我唔想比佢地話我成日講電話，所以先冇打到!! 我知道佢心情唔好，原本我心情真係好好，好開心，好想同佢分享，但可惜唔可以，亦唔係呢個時候同佢分享，比佢講講下我都冇咩心機，可能我真係應該體諒佢心情唔好啦!!做佢身邊既人就應該同佢分擔，我愛佢就應該接受佢既優點同缺點!! 愛佢既全部，唔只愛佢既優點!! 新既一年，應該有一個新同好既開始!! 學識愛人係我2006年既目標!!
又係時候總結2005喇!! O係2005年O係工作同愛情方面都有改變!! 首先，工作方面，終於都轉左工喇，仲做得幾開心，係我一路想接觸既行業，雖然暫時接觸較少，但我相信慢慢會學到我想學既野!! 第二，係我終於考到一直想考既領隊牌，雖然我唔一定會做，但總算達成左心願啦!! 第三，係我竟然會去讀會計，我真係諗都冇諗過，以我咁唔鐘意計數，竟然會去讀會計，真係奇蹟，可能因為工作關係啦，我即使到現在都依然唔鐘意計數，但比以前好左D既，總算唔抗拒啦!! 或者又係一個好既開始呢!!
O係愛情方面，今年比我遇到佢，我真係好開心，同佢相處我覺得好舒服好開心，我亦感覺到自己同以前既不同，雖然有好多野，我都依然唔識表達，但比以前既我已經進步左，可能我唔想再一次因為我吝嗇於表達而再次錯失自己愛既人啦!! 我亦好開心佢對我既愛係可以咁坦誠、簡單，令我深深感受到被愛既感覺!! 而我對佢既愛比對以前既係更加多同深，雖然時間唔長，我自己都解釋唔到，總之到現時為止，我可以講我對佢既愛係比DANNY更甚，甚至已經完全放低左佢，雖然有時會諗起佢，但果種感覺已經唔同哂，所以我都明白佢對佩琪果種感情已經昇華到另一個層次!! 因此我已經冇再因為佩琪而唔開心，完全接受佢地既感情!! 因為我冇可能同一個已經唔O係度既人比較，我仲應該多謝佢，可能係佢令我地可以識到，希望我可以代佢O係佢身邊支持佢、愛佢同照顧佢，我應該珍惜、感恩同知足，知道幸福唔係必然既!! 我而家擁有既一切已經好幸福，要懂得珍惜身邊人，對佢地好，表達自己對佢地既愛!! 兩個人一齊一定有開心同唔開心，要識得面對同接受，需知道愛人唔只愛優點，而係佢既全部，如果只愛佢既優點，又駛咩你愛呢?? 所以要愛埋佢既缺點，咁先係真正愛一個人既表現!!所以展望2006年，我希望可以做到我所講既野啦!!
文章定位：
