媽媽收到我張母親節卡，打電話黎多謝我。嘻嘻~~~媽媽話我好乖..其實我根本就係好乖既，尤其是o係屋企人面前。我思疑佢係好感動啦，見到我key左我個樣上佢同爸爸中間o個幅相必定覺得我好o力，識得用photoshop呢d花巧野顯心思(但..哈哈..其實我係唔識用架囉，張相係毛毛幫我整左成個下晝架)。但我寫d情深說話又係幾touching既。我同佢講好掛住佢、好掛住香港，好想即刻又返去放假..(下刪100字，唔講你知)嘻，有媽媽o係自己身邊既朋友仔，大家準備點樣同媽媽慶祝呢，母親節就到啦，後日呀。
所謂每逢佳節倍思親，我地呢d留學生，孤苦伶仃，中秋節冇月餅食冇賞月冇燒蠟燭、端午節冇得睇爬龍舟冇得食粽、冇清明節重陽節勞動節、新年冇拜年冇利是冇年糕蘿蔔糕..真係個個佳節都..心掛掛自己個家..架..不過..大家都唔會明白既我知道..算啦..講完就算啦。其實只係志在講下o者，我都唔覺得自己可憐丫，呢度係咁樣架嘛，人人都係咁渡日子既。住得耐左又會覺得呢度舒服d架啦，好似我而家咁樣。好奇怪，每次一返到黎會好唔慣，好miss香港，但住住下過番一兩個月又會好enjoy澳洲慢香港十拍既style，感覺好悠閑。但當你好滿意目前寫意既生活既時候，你又差唔多讀完一個學期，係時候返香港放假啦。所以，哈哈哈，好奇怪，我都唔清楚自己想講乜。
買左整曲奇餅既flour，好滿足，準備日內親手炮製愛心朱古力曲奇俾屋企人食。對上一次整已經係上年我地新居入伙，請晒全世界上黎玩既時候。我記得自己整左朱古力味同白朱古力味，整左超級耐手都軟埋，又焗又等咁樣幾time consuming呀，仲要俾d男仔話不如落街買仲快，唔洗咁辛苦丫嘛。結果o個晚呢？兩種曲奇餅都好好味，全部清晒，d男仔又食又拎，pack埋拎番屋企食..囉..真係丫。唔得啦，而家Stephanie識整豆腐花整得咁好味，我唔快快趣show off下我d曲奇餅，我怕遲下我冇晒market啦。
今日好開心，吃喝玩樂，買左好多野，刺激澳洲消費市場，導致自己銀包愈黎愈薄。冇做過功課、冇溫過書。聽日有排我受，business essay逼上眉睫，我決定又死返去library搵書搵報紙搵雜誌，然後一次過dl晒出黎揀，提高自己既efficiency。
文章定位：
