A-hi的厝 A-hi是我的偏名。細漢的時，阮阿兄叫阮厝彼隻狗的時臭奶呆，小黑就做阿黑。末了，連我伊嘛叫阿黑。阿黑～～～阿黑～就到末了變成A-hi!!!!!! 這就是我的名！我欲用最貼近我的母語的名來寫文章，望大家喜愛！ http://mypaper.pchome.com.tw/news/toakhou/ 另一個站台，來不及來的情 歡迎逛逛

262愛的鼓勵 0訂閱站台

知影汝逐日坐火車通勤了後，我的冊桌仔就一直向ùi窗外。

  印象上深的是高三hit年，將家己掩khàm佇冊堆裡的我上需要的毋是咖啡也毋是提神藥丸。佇我讀冊讀kah ià-siän，想欲消透予冊teh kah ut悶的心肝的時，hit陣短過khêng花開花的相逢是我上大的安慰。

  期待火車緊來；目睭金金送火車離開。窗外蟬聲鳥影比袂過siâ°我的火車，窗外樹影sûi風婆娑，卻是我無法度像文人騷客一般，將上天製造的美景收入目裡靜靜欣賞。這時的我，我的目仁攏是佇九節車箱裡chhiau尋汝的形影。

  心肝í°仔全全是空思亂想，佮汝「咱兩人，做陣giâ著一枝小雨傘」行佇愛的小雨裡，風吹微微，微微吹來咱心邊，就佇這個短過khêng花開花的短暫時。

  唉～是啥人講起愛了深；恐驚一khap就破碎。親像火車無情chah走hit陣短過khêng花開花的短暫。

  Ùi-hiá°失去最後的短過khêng花開花的短暫，我kä記持深深印記佇心裡，chiâ°做高三hit年上甜蜜的回憶。

  望著窗外雨絲sap-sap,落南火車一班行過一班。我佇孤單的時siáu想chhiau尋久無看見的汝的面，心肝í°仔的印記不時浮佇目墘。

  思念高三hit年懵懵懂懂ùi家己心裡puh-í°的情。感覺哀愁，感覺怨恨。愛了深；恐驚一khap就破碎的藉口換來更加chë的無確定；佇短過khêng花開花的短暫時，更加chë無確定的身影等我去ioh,去尋。

  我猶原teh等，等待著無確定的短過khêng花開花的短暫時。期待佮汝度過汝生命中每一個khêng花開花的短暫時。