新聞| | PChome| 登入
2003-06-16 21:55:03| 人氣20| 回應0 | 上一篇 | 下一篇

六月十六日 ~ 不孝

推薦 0 收藏 0 轉貼0 訂閱站台

尋晚睇完波,跟住就沖涼,睇書...所以搞到成六點先瞓,但係瞓咗好耐都瞓唔着,況且又約咗阿海十點去唱K,所以把心一橫,決定唔瞓,跟住起身打機~~超爽~v~

打機打到十點三,阿海仲未打比我(我尋晚叫佢九點九打嚟叫醒我),所以我咪打比佢囉,點知佢真係仲未起身,好彩我打比佢,如果唔係又比佢放飛機~~好彩^o^

臨出門口嗰陣,密實喺icq度話比我知佢會同佢啲小學同學去唱K,點知我o地居然搭埋同一部輕鐡,不過因為佢個小學同學都喺度,所以無o麥同密實講o野~~悶o_0"

去到康樂路輕鐡站已經見到阿海,佢同密實打咗聲招呼之後,就同我一齊行去Green Box~~興奮(因為今次係我人生第一次同佢唱K)

我o地喺86號房入面逗留咗兩個半鐘,其間唱咗好多好多歌,仲差啲唱斷氣添~~唱死人.....( 死咗 )

★★★原來阿海唱歌真係好好聽o架★★★

之後,阿海因為三點要出去中環上堂,所以去阿占屋企等夠鐘,而我原本諗住今日一定要做嘅嗰件事,最終都擱置咗~~勁唔開心>.<

跟住,我搭巴士去咗銀座個圖書館還書,同埋諗住借啲書返屋企睇,途中勁好瞓,仲差啲唔知醒落車添~~好攰=.=

然後,我用咗勁耐時間去楝書,點知喺借書嗰陣,我先發現原來自己無帶圖書証,所以我就搵咗一度隱秘嘅地方去收埋我嗰六本書,諗住呢兩日之內再去借過~~激死#@%#$%#

番到屋企,諗住即刻瞓覺,點知阿媽又無端端幫我阿哥換床單,自己張床又亂到無位瞓,所以搞到無得瞓...結果打咗比阿平,傾咗好耐,講咗好多o野比佢聽~~好開心佢肯花時間陪我 ~~> 錫晒佢^ｏ^

★★★朋友之間開始唔再見面,係倒退,定係昇華?★★★

★★★點解人總係唔會去珍惜佢o地擁有嘅一切,同埋挽留佢o地身邊嘅人?難道過去美好嘅回憶都無能力去改變一切?★★★

我要檢舉
台長： 年年 。 樂樂
人氣(20) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文