24h購物| | PChome| 登入
2006-03-18 11:10:26| 人氣44| 回應0 | 上一篇 | 下一篇

投注站離奇查証事件之18歲卜卜脆

推薦 0 收藏 0 轉貼0 訂閱站台

好話唔好聽,都廿幾歲咁大個人,
都會發生咁既事,雖然呢件應該算係件醜事,但我又醜得好開心喎!

咩事?對於我呢種年紀,真係開心過中六合彩呀!
事緣係上星期囉3日假,去HK shopping同見一見個老死,
其實主要都係見我老死,shopping都係其次咋!
最後一日,老死提議去投注站買返張六合彩,一個唔該中左,真係即刻劈炮,離開間顛人院啦.
但作為一個係中學時,成績唔係話好,但數學堂都有時認真聽下書既我黎講,都知道要中既機率,真係除非上一世做左唔知咩好事先得!
但老死叫到,明知不可為都要為啦!
當我0地一行3個人入去投注站時,我係行最尾,
我前面0個2個朋友都順利,掂行掂過入左去,
到我行前去時,個食蕉嬸嬸截住我,要我出示身份証,
我當時第一反應係O晒咀,跟住內心有股好強烈開心同興奮感覺慢慢湧出黎,
心想,呢位食蕉嬸嬸係咪天神既化身?係咪要答謝我平時日行一善?
好想笑但又忍住唔笑,谷到臉都紅晒咁囉張身份証,
在旁0個2位朋友都先係有D突然,跟住慢慢露出羨慕又妒忌眼光,
有一個仲忍唔住講 "妖,唔係下化,成廿9幾歲人仲俾人查証"
另一個又搭咀"係啦,三十歲都黎啦!"
呢2位朋友講既說話好似一把螺絲批咁一下一下咁插埋黎,好痛,好痛
點解會有咁強烈痛感,因為佢0地都俾嫉妒之火蒙蔽左理智,誇大言詞去中傷我,
我唔介意佢0地恨我,妒忌我,唔低得我,因為我當佢0地係朋友,但佢0地唔應該屈我,我雖然係過左18歲,但我仲係有排都仲未到三十呀,係有排,有排都未呀!

上天真係對我不薄,竟然俾我遇到咁既好事,但我就係因為咁,冇左2位好朋友,
雖然佢0地表面上係無事,但我知道佢0地心裡永遠都會有條刺,希望時間可以沖淡佢0地2個既傷口.

其實上天真係好公平,因為當我我用5蚊去買一個希望,但我0個單查証事件似乎將我所有好運用盡,結果好似只係中左一個number咋.

後註: 我0個2位內心有條刺既朋友,你0地今日發左未呀?

我要檢舉
台長： 陸羽
人氣(44) | 回應(0)| 推薦 (0)| 收藏 (0)| 轉寄
全站分類: 搞笑趣味(笑話、趣事、kuso)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文