二零零七年十一月一日 (星期四)
今朝一早就搭小巴去左東區尢德，因為今日就係我要剝智慧齒ga日子la。
本來張野就寫住要我九點四十到ga，但結果就由九點半等到十一點幾十二點，之後終於比個醫生叫左入房la。入到房之後，首先個醫生幫我照X-光la，跟住過左十分鐘之後個醫生就拎住張底片同我講:「你而家下面果兩隻就打橫生，但係你話唔痛ga話其實都未有即時要剝ga需要。」之後我就問:「咁即係點呀?」佢就繼續用佢ga官腔口吻同我講la:「即係呢你而家唔剝住都得ga，不過剝左就一了百了囉，因為你而家唔剝ga話第時如果蛀牙可能會蛀埋另外果隻囉….」
果陣時我心諗:「講左咁耐咁即係剝定唔剝好呀，你都好似未答我」。不過我都好有禮貌咁同佢講剝囉，一了百了麻，不過之後佢講左一段野之後就嚇到我死死下:
醫生:「咁係你未決定剝之前我都要話比你聽剝有咩風險ga，雖然呢個係一個小手術，個成功率都過九成ga，不過都有一定ga風險，例如傷口流血呀，或者做手術果陣可能會做成神經線損傷，咁你可能條利或者口腔會失去知覺或者麻痺，咁就大約5%到la，亦都可能會永久麻痺ga不，不過你放心，個機會都好細ga…」
嘩!!聽完佢咁講即時比佢負死左，大佬你呢d野就咪鬼話我聽la!!咁樣樣點放心，你咁樣即係叫我唔好做ja，岩岩講完唔剝都ok，轉過頭就講d咁ga野泥負下我，咁我無理由無拉拉整攓la嫁麻，之後個醫生仲要補多句:「咁其實你可以諗下先決定ga，不過如果你做ga話就要做全身麻醉囉，同埋之後做完要留院觀察，咁你出去諗一陣先la，等我叫名再話我聽你剝唔剝la」。果陣心裡面有兩個感覺，第一個就係「仆街la，仲要全身麻醉咁大滯?又話小手術…」;第二個感覺就係覺得比老豆老點左，又話小兒科，咩野「我果陣都剝過la，有咩大件事，係果度坐一陣就剝完」，完全係比老豆昆左…
之後就拿拿林打比一個細細個果陣都剝個牙ga朋友問下佢意見la，但係得出泥ga結果就係:「下，我果陣時唔洗嫁喎…」，之後佢仲講左一大堆野泥安慰下我，又不斷closing我，不過聽完都係放心唔落…
「唉…!死就死la」。就係咁，我就自己closing自己、決定去剝。當我走番入去果陣以為等一陣就會幫我剝，點知得出泥ga回應就係又要再排期，結果又要排到一月二號。「嘩!要等咁耐嫁??」「唔耐嫁la，你知唔知道白內障果d要等幾耐呀?果d要等幾年嫁，你去私家醫院果d就快…」唉!我都無心機同佢講，都係果句la，政府野係咁上下，鬼叫唔洗錢咩…
結果就一面無奈咁走番出去等個姑娘幫我搞埋d手續佢，之後落7仔食少少野就番公司la…
文章定位：
人氣(107) | 回應(0)| 推薦 (
0)| 收藏 (
0)|
轉寄
全站分類:
不分類
