今日係最後以TUNS身份在R10工作(今日返P duty),在R10做TUNS已經不知不覺7個幾月,雖然只係返星期日及新年時的連續兩星期,但對那裏卻留下了永不磨滅的回憶 *_*
星期日的R10比我Placement的地方悠閒得多,routine 係交俾 HCA 做,姑娘主要係打針派藥俾血落chemo,對於我只係SN,打針派藥俾血落chemo等要簽名的工作都唔太做得,所以開始時返工等放工,又要睇下邊個返工,邊個好人邊個衰人,行又唔係坐又唔係,所以返工無野做都唔係好事,我可以做既就係同D patient 傾偈(有時patient太少連傾都無得傾),一有鐘響就去應,有機會抽 AHG就抽,我有咩做得都仆到去做喇,所以D姑娘都唔會對我好差,同某D patients都可以好熟,久而久之,返R10最大好處係唔駛點做每日都係出咁多錢糧!.!
上星期四,我特登買左百二蚊西餅俾R10 all staffs,就快無得做就開始唔捨得,總括來說,R10係我值得我買百二蚊餅的 ward,真係無後悔喎!!
26/6/2005
今日係last day in R10,一早已經諗住帶相機同埋電話去個度影相留返個美好回憶,又買左個襟章諗住送俾肥豬,點知......過左一個極度難忘,極之傷心的一日T.T
一返到R10,第一消息係阿邊個今日應該會唔得喇,留意下佢喇......一聽到呢個消息,
我本來興高采烈既心情為之一沉,當時佢既屋企人陸陸續續來見她的最後一面,我看見她的面色呼吸什麼什麼都已經很差,心跳徘佪160/min 以上,SaO2不時會跌,眼瞼不能合上,經理叫我準備些 gauze with saline 蓋一蓋她的眼睛,聽到她的呼吸聲愈來愈大聲,愈來愈辛苦......愈來愈慢,知道她要走了.......
接近5點,係 treatment room 幫手開個 LP 檔,知道她已經零零零零,要用 ECG print
張 flatten heart rhythm 做 record,心情更沉,家人係佢門口哭的哭,十分難過難受......
謝經理好少會係星期日返工,佢真係好有責任心,好鍚個度D 小朋友,一直陪她及她的屋企人,對住她的屋企人,我自問什麼也不能做到,而且我可以說什麼呢???我不懂說,不會說......經理認定係我及姐姐一齊整理她,所以事前已作了很多吩咐,經理希望我要為她做到 "die in dignity",離開也要舒舒服服......
她的媽媽守護著她兩個鐘,當醫生為她拔了centre line,7點鐘,她的媽媽決定讓她走了......
她已經很瘦很瘦,她著住自己的衣服,戴著帽子,她的媽媽已經為她清理乾淨,她終於可以擺脫那可惡的毒瘤,她終於可以擺脫長期受著的痛楚,她即將化身成小天使一直守護愛她的人身邊.......
我為她做完last office之後,她的媽媽看見被褢著的女兒即將被運送走時,又開始激動起來,媽媽攬住女兒不肯放手,爸爸也淚流披面,但是,要走終需要走了.......
送走了她,我已經深深感傷,戴住mask都禁不住流下眼淚,洗完手後,自己也要爆發了,Miss叫我休息一下,姐姐見到我喊得厲害,她的心其實也很難過,可是,我們可以做的已經做好了,看著她受病魔煎熬,倒不如早日擺除痛苦!!
成為SN後,生老病死都看過了經歷過了,但比起即將upgrade成為RN,到時要自己面對生老病死,自己仍尚有一段路程去學習去感受去體會去啟發......人仍需要感情,但要在適當時候釋放,不可以為了照顧別人而要其他人照顧返你......這些都是我在學習中,希望可以把經歷成為經驗,做到一個好RN喇 @.@
文章定位：
