24h購物| | PChome| 登入
2020-11-03 09:33:05| 人氣1,399| 回應1 | 上一篇 | 下一篇

《台語日常》號名

推薦 0 收藏 0 轉貼0 訂閱站台

    

沈太太講伊單名叫做「末」。

我問伊是毋是上屘的?伊講毋是,下面猶有一个小妹。「阮兜(tau家)是做田的,我出世彼年歹年冬,阮老爸講『今年收成真末』,就共我號做末。」

號名遮爾tsiah-nī這麼)凊彩、遮爾寫實?一般人共囡仔號名敢毋是用較正面、對未來有向望的字?時機歹,向望明年收成較好、號做「好」,應當是較合理啊。

阮阿公叫做「滿」,阿伯叫做「甲」。米間(穀倉)滿滿,田園幾若甲,阮媽媽按呢解說;雖然離事實真遠。

我問沈太太,伊的小妹叫啥名?和收成有關係無?伊講無,小妹叫做「罔腰」。罔腰(育)、罔市這款名以前真濟這陣,真稀罕矣。

伊講田庄所在,真濟代誌靠家己。In (她們)老母生第一胎的時阿媽家己抾囡仔(接生),教新婦按怎生,按怎轉臍;第二个開始,老母就家己生,家己轉臍矣。生到上尾的小妹,因為拚血(血崩),人昏死去;大人拍拚救產婦,竟然袂記得包好好、「囥」khǹg,放)佇厝內眠床角的嬰仔。到第三工,才想著,有夠譀(hàm誇張)。嬰仔無háu(哭),恬恬(吸)家己的指頭仔 。「阮阿妗講,伊遮爾耐命,既然欲做咱的囡仔,咱就罔育。」所以就共伊號做罔腰

好咧這个查某囡仔捌(懂)事的時,就家己去改名。

以前的人普遍毋捌字,阮阿姑的名嘛是凊彩號,大的叫做gâu,第二个叫做,第三个叫做kiann大姑早早就過身,阮無見過;二姑、三姑和阮真親,阮佮in講耍笑,「阿公生第一个查某囝,感覺真gâu第二个就畏(膩),第三个就驚。」

幾年前,小弟為著欲了解家族故事,去申請日本時代的戶口簿仔,才知影in字紙頂的名賢、和驚。彼陣報戶口著經過保正(今日里長),較有漢文學養的保正會揣tshuē,找)較有意義的字來用;阿驚阿姑運氣較差,拄(tú遇見)著的可能是捌字無偌濟的。

聽講有號做「豬哥」的,伊戶口的名寫做「知高」;可見伊拄著有學問的保正。

2020.11.3《人間福報》副刋

台長: Liu 靜娟
人氣(1,399) | 回應(1)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 台語文作品 |
此分類下一篇:《台語時間》予你等遐久
此分類上一篇:《台語極短篇》這是假的

是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文