麵包心情 忘記心中不快... 迎接每天歡欣....

5愛的鼓勵 0訂閱站台

甜美的謊言~
人點解成日都俾咁多籍口自己ge?
成日以為咁樣做係為左大家..
但係到最后都係為左自己!
記得係溫泉戈日同我講的說話!
你要我記得你的一言一語..
其實係戈晚我真係好想時間停下來
因為唔單止你..我都想係戈一刻得我同你..
戈一刻的感覺我好想你即刻同我講:”你返黎我身邊”
但係你都係無勇氣同我講..
可能你覺得你真係為我好啦..唔想我難做
但係你其實知唔知我個心係點諗
明明想同返你一齊..但係你真係俾唔到我一個好強的信心
要同返你一齊..
可能幻想係美好...
得不到永遠都會去珍惜..
但係...戈日之后
我好爭我自己..
點解我會做出一d會傷害到我地三個人的事
加上你同我講你之前係等緊你以前女朋友,我無估錯佢應該係叫”Angela”
等緊佢回心轉意同你一齊返準備結婚
但係點解你一邊睇緊佢係咪真係真心返黎你到
一邊又俾我覺得你仲係鍾意返我,想我同返你一齊
你講俾我知道戈一刻我真係想立刻收你線!
但我無咁做,因為我知道我唔係你邊個.我亦無權做呢d
但係你成日問我係咪鍾意你!
但係你有無好認真咁問你自己係咪真係好鍾意我呢?
你成日話得我同你兩個人的時候可以做呢樣做戈樣..
但係一出到街..你就!
點解你要咁自私的?
你連一個去鍾意人的心都無..!
你講咩要人去鍾意你呀!
你hurt我一次都咪夠..!要再hurt多我一次
我真係無力氣啦!
我成日叫你唔好對我咁好..就係我好惊再有失去的感覺..
其實由你同我一齊曖昧到依家..
係..我其實真係想同返你一齊..
但係你...你俾到咩我
你成日要求我做呢樣做戈樣..
又話我點解下午好地地..但到夜晚又要搞到咁唔開心
唔單止係我..你亦都係咁!
其實你諗清楚自己想點未架?
你想要係你的事業的話,唔該你唔好去走入我生命裏面好嗎?
你話我迫你..係我係迫你想你知道依家的你做緊咩?
你再係咁..係!你同我可能會開心..
但係日子長左..感情多左
我再係你兩個之間的時間...你真的可以接受依家的曖昧關係嗎?
我真係好辛苦..我唔想呃黎呃去..
我真係唔想三個都唔開心..我真係好辛,好辛苦
三個關係一日未清楚..
三個都會好痛苦...
你俾我的感覺係...
其實依家的你...你係想搵一個你可能鍾意的人去沖淡過去的她
但係..你未必想同呢一個人一齊..因為你未放低佢之餘...你亦唔捨得你的事業
人應該係自私..但係,我覺得自私得黎唔好去傷人好嗎..
我真係好討厭我自己
點解會係咁..我真係好唔鍾意無名份而又飄渺的感覺
其實係你放棄先....
你依家無得怪任何人...亦唔可以將人地傷你的野加左任何人身上
你太自我同驕傲啦..
你知好多野就算你幾叻幾靚仔..都係無用
因為你俾人的感覺係你好無安全感..
好唔細心之餘你會認你你自己啱的事就要他人依你的去做
你有無諗過人地想唔想架..!
記得鴨仔同我講過一句說話:
”你諗清楚架啦..你同阿grant幾耐姐..佢真係咁愛你咩”
我唔識答佢,但係我個心係到諗佢唔會呃我的!
但係...
依家我知道答案啦..
答案係..你原來唔係咁愛我!你愛的係你自己
你想用我去忘記你以前九年的女朋友呀!
而唔係真係真心真意咁去愛我呀!
如果係..一個人真係咁愛另一個人
係唔想令佢再傷心..但會令佢開心..
全心全意咁去為佢..
但係呢幾日..你令我全完明白到..
我同你的關係係咩..!
我係迫你,我迫你係為左你同我都要清楚知道大家要的係咩!
而唔係因一時的衝動而去決定某事!
希望你清楚明白,我要的係將來..一個真係全心全意愛我的人
其實你介意..
莫非我又唔介意咩?
多謝你令我明白我要的係咩?想揀的又係邊個!
今次我可以好肯定同你講..
我揀的係我依家的男朋友...係阿joe!
而唔係一個認為係鍾意我的人但是實連自己都唔知的人...即係你阿grant!
希望你真係清楚自己依家做的係咩!
其實我都明白點解你九年女朋友諗的係咩!
你成日認為人地點解要hurt你點解咁對你!
但係你又有無諗過你點對你..又點hurt人呢?
希望你將來可以搵到個好好的人啦..!
同你做朋友無問題ge..但係你可以先算啦!
我都預左你會嬲我ge..
但一日未清楚我同你的關係..大家一日都唔會開心..
今次又係你放棄啦.//!
記得下次搵到自己鍾意的人要大胆d..唔好再怕呢樣怕戈樣呀!
因為,你係為你自己點睇自己而唔係介意人地點睇你..
如果係你真心的朋友係..都係想你快樂
唔會介意你同邊個一齊!
只要你係好..所有係你的朋友都會祝福你!
希望你過得快樂啦!