24h購物| | PChome| 登入
2005-02-15 00:32:50| 人氣29| 回應0 | 上一篇 | 下一篇

情人節

推薦 0 收藏 0 轉貼0 訂閱站台

今日14/2情人節，好激氣，畀人玩左兩次電話，都唔知話自己好彩好呀，定係黑仔好啦~~可能平時得罪人多啦，畀我知道邊個咁無聊，我實咬爆佢個頭，哈哈~~第一個電話係無來電顯示既，聽左之後好後悔，都唔知佢係邊個，問極都唔肯講，佢仲叫我估下，哼~~我梗係唔知啦，一把男人聲點估呀，之後佢仲"老婆仔"咁叫啦，嘩畀佢嚇親，傻架佢，我話:你打錯啦，我唔識你架喎。佢仲未死心，問:幾耐無做愛？哈~~我仲以為我聽錯tim，但係佢repeat左幾次，我肯定佢一定打錯...我梗係即刻cut左佢線啦，後悔同佢講左咁耐，其實我一早就應該cut佢線，畀佢玩弄左咁耐tim....之後唔知邊個打畀我，我喂極都無人應，即刻cut佢....

情人節對我黎講都無咩野特別，今年都唔例外，都係單身一個。其實我覺得自己仲好年輕架，22之嘛，又唔係32，但父母不停咁為我擔心，驚我無人要，又駛咩驚呀，我自己都未擔心，我唔可以因為咁而求其搵個架嘛，咁太對唔住自己啦﹗呢d野都係隨緣啦....

世界上係無不勞而獲架，所以今日請左peter食飯，因為佢真係教左我好多野，仲講左好多故事我聽，其實好多都聽過架啦，但係聽過唔代表明白，明白又唔代表識用喎﹗但係同佢溝通真係好耗腦汁架，佢個腦實在轉得太快啦﹗講既野又多又深，但係真係係學校學唔到架，真係個人經歷囉，我相信佢真係經歷左好多好多先至有今日架....從今天起要改變自己至得，既然個個都做到，我無理由做唔到既...依家開始要裝備自己、自我增值啦....

我要檢舉
台長： 尚未設定
人氣(29) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文