24h購物| | PChome| 登入
2005-02-14 13:32:50| 人氣15| 回應0 | 上一篇 | 下一篇

許願樹

推薦 0 收藏 0 轉貼0 訂閱站台

13/2 尋晚失眠呀，可能吸收左太多野啦，個腦不停係度轉，好耐無試過咁多野諗啦~~

今朝差d唔知醒，朦朧間好似記得約左peter 11:30am，即刻彈起身呀，但係都遲到，哈哈~~對唔住呀﹗我平時唔係咁架….

之後我地就去銅鑼灣集合，幫手買BBQ既野啦~~佢地買左好多野呀，未試過BBQ唔駛拎野架，唔係好習慣呀﹗因為有好多男仔嘛，想拎都無得拎，佢地真係有被虐狂架喎~哈哈..

今日班朋仔仔有部分尋日都見過，佢地好友善架。哈哈~~好抵呀﹗畀$100就可以玩成日，仲有專人plan定行程、仲有專車接送(book左架旅遊車)，好專業呀佢地，連玩都專業過人…

我地首先成車人去大埔林村許願樹許個願先，第一次去咋，之前都好想去，但係約極都無人得閒，估唔到今日竟然有機會見識下，明白有d野真係可遇不可求既﹗我地21人迫左個自稱係林村人既賣$10蚊三份畀我地，本來$5蚊份架，多人真係著數d架~~我個願望都唔係太貪心0者，只係希望一家人能夠健健康康、齊齊整整，細細佬可以入到佢想入到醫科之嘛。但係拋左三、四次都拋唔到，真係好難拋架﹗我想要靠運氣、技巧啦….個林村人都唔知係咪安慰我地既，話只要有心入到黎就得，唔駛真係拋到既~~~是嗎，或者拋到心裡面會好過d….

之後我地浩浩蕩蕩去深水灣燒烤，真係好少夜晚晚燒烤，又係啦~~唔駛自己透爐，感覺﹕不勞而獲，其實唔係太好受架~~好開心，雖然同佢地唔係好熟，但係感覺唔陌生囉，都唔知點解會咁架….或者我天生就有一種咁既能力。睇佢地玩得咁顛，咁投入就知佢地frd啦~~真係很高興可能識到一班咁願意分享經歷既朋友仔，我是幸運的一群，能夠有咁好既際遇…..

我要檢舉
台長： 尚未設定
人氣(15) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文