小影迷Di[大]lemma 個人影評及生活隨筆 請移玉步到台長新部落格: http://agnestse.blogspirit.com/

1,920愛的鼓勵 0訂閱站台

你以為我會咁大膽"小"警察嗎?! 去片!

小小小警察 (Little Cop)

演員: 曾志偉, 陳百祥

影片簡介: 李志堅 (曾志偉) 投身警界，先後被派到掃毒組、掃黃組、重案組工作。在一次掃毒行動中，把毒販吳長進殺死，得罪吳父。吳父遂請千面殺手 (苗橋偉) 殺李、歷。李、歷被安排入特警組專責對付千面人，混入精神病院引千面人入局，最後千面人被捕。院長卻公佈私仇，把李困在精神病院，李一年後被釋放，決換工作，此時，李的心智失常，烏龍百出，令人啼笑皆非......

記得當年(約1989年) <小小小警察>的宣傳攻擊都算厲害. 用足報紙半版, 模仿電影院線廣告, 將全港戲院通通玩謝: 紅雞戲院(鴻基)、金紅雞戲院(金鴻基)、淘汰戲院(淘大)...宇宙銀河系院線上映!

<小小小警察>有兩大特色:

一. 無厘頭劇情掛帥, 天馬行空, 完全失控. 曾志偉無端端做警察, 又無端端紮職, 無端端認識恬妞, 無端端肝腸欲斷, 無端端入精神病院, 無端端大鬧一番...淋漓盡致, 發揮無厘頭本色.

二. 眾多活躍八十年代的明星演員客串(相信都係香港影壇一個創舉), 你數得出, 就有幾多: 張國強、岑建勳、午馬、成奎安、苗橋偉、張堅庭、李麗珍、恬妞、董標、譚詠麟、張曼玉、張學友...扭盡乾坤, 發放笑彈!

老豆帶我地三姊妹睇<小小小警察>. 我深深記得戲中對白:

張國強 (盲人去報案): 阿Sir, 我唔見左自己呀!

曾志偉: 我黎報到架.
吳耀漢: 去貪污組啦!
曾志偉: 貪污? 唔得!
(警局所有大漢即刻啤住曾志偉)
曾志偉: 我地身為皇家香港警察 ...點可以貪污呢?
(大漢伸出"老鼠仔"): 哼!!

掃黃組警察(邊練跑邊唱): 捉雞去囉 (捉雞去囉), 小心d呀 (小心d呀), 咪亂黎呀 (咪亂黎呀), 摸下摸下 (摸下摸下)...

瑪利亞: (教堂悼念時唱) 死仔包死仔包死仔包死左個頭! 死仔包死仔包死左係我雙手... 死埋隻狗!

午馬 (侍應): 哎也, 豬扒唔夠味添! 我教你飲豉油呀下! ...你做乜飲唒去呀? 我叫你用豉油浪口呀!

李麗珍 (空姐): 歡迎各位乘客, 劫機!

恬妞: 冇套? 冇套唔准做!

曾志偉: 呢...膠做既呢...一盒盒既呢...
董標 (便利店職員): 膠袋? 你要香口膠呀? ...
曾志偉: (大大聲講) 避孕套呀!
董標: 咁咩野牌子呀?
曾志偉: "仕堅"囉!
董標: "仕堅"乜野呀?
曾志偉: 避孕套呀!
董標: 講全名啦!
曾志偉: 仕. 堅. 避. 孕. 套. 呀!!

恬妞: 我可以做淫婦、蕩婦, 但係我唔想做寡婦.

曾志偉 (企係尖東海旁大叫): 恬妞~你係邊度呀?
茄喱啡甲: 張曼玉~你係邊度呀?
茄喱啡乙: 林青霞~你係邊度呀?
茄喱啡丙: 鍾楚紅~你係邊度呀?
茄喱啡丁: 周潤發~你係邊度呀?
五人齊聲: XXX~你係邊度呀?

譚詠麟 (精神病人/院長): 我唔係院長, 我係上帝!

茄喱啡 (精神病人): 做得院長都係黐線架! 我都想做院長呀!

曾志偉, 陳百祥: 千面人, 你講野呀?

張曼玉、張學友 (餐廳客人): 橙汁, 橙汁, 橙汁, 橙汁, 橙汁, 橙汁, 橙汁, 橙汁, 橙汁, 橙汁.....

唔知邊個可以諗到拍呢部電影出黎! 如果<小小小警察>有得重新發行, 咁就真係功德無量!