nEVer Says NevEr ．夏天的尾巴．

82愛的鼓勵 0訂閱站台

8月23日


打風後第2日, 訓到正午1點先起身, 細LAN剛剛好放工~ 非常好~
而又今日適逢寶貝細佬都係DAY OFF, 係屋企醫左肚之後, 就各有各做自己嘢
細lan同我地整電腦,我就拖地,細佬去左同我洗冷氣隔塵網同風扇頁 各自貢獻17樓B~

4點幾鐘, 大伙兒出旺角行下街仔
不過呢,
點都估唔到 有估唔到咁塞車囉
足足用左個幾鐘頭丫....="=


出到去...好多好多人...而且各位o係 171的折磨下都未回到魂 食個tea先~~

細佬大豐收, 為左女朋友仔, 佢又再度走去買左一個粉紅色大大個的免仔枕頭, 拎住係旺角行左好耐下~~ =w=

之後,我地去左銀城廣場借廁所, 去完之後, 見到捐血站個招牌,
咦,不如去捐血咯~

let go 就上左去了

入到去填完資料見護士, 見完就可以去做血色素測試...咦 , 點解細佬坐左係另一頭的梳化上食軟糖咁開心ga?
原來佢比人check到上一次捐完血之後有不良反應,人地唔比佢捐住

唔講唔知, 其實我細佬都不失為係一個好人, 佢捐血密過好多人
而且唔係有人陪柴娃娃先去, 而係一個人去, 呢下好型.

fine, 呢個型仔上次因為有暈眩同全身變色的record, 就坐埋一邊等我地啦

做完測試等入去捐血的時候, 有人比左一張"時下年青人對捐血的態度問卷"我, 不過, haha 李小lan無的,
佢唔忿氣問人, 人地check完之後覆佢, 份問卷係16-25之間的先有資格填的 =w= 仲問多佢一句 "你真係28咩下"

另一樣搞笑的係, 人地一開始撩李小lan捐血, 佢懶叻咁話 我有捐過啦

點知上到去先知, 佢張捐血卡係1996年ga 同我地唔同樣ga, 仲要個護士姐姐見到都叫佢可以收返埋要嚟收藏 =w=
1996年...我先得10歲ja...一.一'

不過不論係想當年係學校捐 或者係捐血站所見, 嚟捐血的, 有8成係女性, how come?
男人唔係自命好巴閉好英ga咩?


半個鐘左右搞掂出返嚟, 見到細佬已經唔o係頭先近門口的等候區,而係去左"比捐完血人士 食下餅飲下嘢的休息區,
見到佢的時候佢把口塞滿嘢食.

原來因為無嘢好做, 此子o係我地入去咁耐佢就食足咁耐,
等候區的餅乾已經比佢食哂, 佢就好理所當然咁走嚟呢區再食過飲過...
我知, 我知你係有貢獻ga ma...我唔會睇你唔起... 我只係怕管理的護士姐姐嬲你啫...明明果個份量係夠人地放一晚的...=w=
我一邊笑佢一邊講嘢, 結果又噴D餅碎出嚟
個情景真係好蠢囉 ^W^

我地李家的家庭成員, 到底可唔可以得體一D呢呵?

不過...

起碼都叫一班熱血有為青年啩~~~

^w^




星期日, 得我同細lan o係屋企, 佢就繼續整電腦 (幾時先整好) 我就睇左一場都ok精彩的男籃決實
不過同日發生左李小lan撞爆腳指尾甲事件, 為左部腦,佢都負出左唔少~



星期一, 放左工已經6點7,8了, 本打算買嘢上去食的,不過聽細佬係電話度把聲好攰, 所以最後都係決定唔要佢捱出邊d又油又乾的快餐,
買左送, 上返屋企, 原來佢仲快過我返到,
一pair 泥咁攤係地下...陰公~ ^^

8點半食飯, 無胃口的佢居然食左3大碗, 果然係我最忠心的捧場客呀下~~ ^^

睇完溏心風暴, 我地就食西瓜啦, 買左幾日啦, 大大個的, 之前仲責鬼爛左我個雪櫃的膠格 = =

一開始細佬提議切開一半一人一隻鐵匙羹ko個瓜 (玩到好大)
我當然唔肯啦,
最後食一半先, 將半個瓜分做四瓣, 我同細佬一人2瓣
佢又開始表演驚人絕技了...兩啖食完一瓣 ! 我諗一瓣西瓜目測有 22 x 9 x 5.5cm大小 @.@
我速度上係跟唔上ga啦,不過我點都去到終點, 一樣食得哂 yeah !

兩個人食左半個西瓜,都咪話唔勁 XDDD (有咩值得讚勁呢其實又...= =)