瘋語童路 瘋言瘋語記低童年走過的路。 【瘋語童路】是也~~~

215愛的鼓勵 0訂閱站台

We are the Champion~~ We are the Champion~~~~~~~~

今日係丙組學界總決賽呀!! 丙組練o左波咁耐, 打呢個學界都好似打o左好耐咁, 大家付出過好多o既時間, 無限o既汗水, 一次又一次o既勝利, 直到今日呢一場比賽~~

其實上年阿賢佢地都有打總決賽, 好可惜最尾不敵陳瑞芝個mix, 咁就得阿二~~
今年又打冠軍戰, 上年都冇咁緊張~~ 今年, 好驚再一次做阿二~~

一早就去o左友愛體育館喇, 阿賢佢地話友愛好邪, 去親打都輸波, 講落又好似係wor, 唔係掛, 咁唔老黎~~~
去到就睇o左場男丙o既總決賽, 南官對TYT, 我覺得唔駛睇都知TYT 贏硬啦~~ 南官好多人黎睇波, 好鬼有氣勢, 不過都係輸波~~

之後就到女丙打喇, MKP 對屯官, 爭第三, 可惜MKP 最尾都係輸o左~
好喇, 到我地喇, 最重要o既時刻黎到, 女丙冠軍戰, 呂明才vs 南官!!

最好彩o既就係佢地叫晒d fd 黎, 加埋MKP d 學生, 我地都唔少fans 呢~~
熱完身就開波, 好彩我地開波先, 彤彤記一功!!
開波喇, 今場真係唔知會發生咩事, 點解? 之前發生太多事喇, 我地才記, 好勁又試過, 發波瘟又試過, 今日我呢個作為教練o既, 都唔知自己隊波會發揮成點~~

一開波, 先拎兩分, 人地送o既, 有冇咁易呀?! 咁易就好喇~~~
不過當然冇咁易啦, 好快人地又追番~~ 真係冇諗到要打到咁緊, 對手其實真係唔強, 係開波夠力水, 仲有個中間only 識打長線, 不過有d 野好難講o既, 就算我地技高一籌, 但種種原因都令到d 分咁得緊~~

我地一時拉開, 一時又俾人過頭, 好彩, 最尾都25:23 先取一局~~ 好緊要呢!!

好喇, 到第二局, 唉, 都見慣不怪, 我地先送幾分俾人, 好彩, 都追得番~~
呢局仲緊張啦, 都係拉開下又追過下頭, 其實我地隊發揮得好好o家喇, 講做波, 真係對手一定冇我地符, 睇住我地殺落黎, 唔駛講, 尤其是麥o麥, 仲要派人地餅~~

但最尾都係有d 鬆懈, 本來24:21 大好形勢, 都要俾人追上黎, "掉時"~~
一打"掉時"就好痛苦, 每一球都........好彩, 對手又豪o左一兩分俾我地, 而最後, 就由二筒開波, 人地接到o家, 不過一飛埋網.........

成場最嘈就係呢一刻, 就係呢一刻, 呂明才就拎o左個冠軍入我地o既懷抱!!!!
個個都好開心, 沖o左出黎, 又跳又笑又大叫....點都會記得呢一刻, 太難忘, 難忘到...之後發生咩都唔多記得~~~
同對方教練握手, 哈, 都第三次同你交手喇, 終於贏你一次喇掛!! 佢讚我地隊波打得好~ 我知呢d 唔係客氣說話, 我地今場真係打得好!!

大家開心完之後, 過o左好耐先可以坐得低檢討, 最後一次喇都係, 所以都講o左好耐~~
傾完之後, 咁就影下相(話o左影相好耐lu), 影完就一齊走人去食野~~
本來屈我請, 不過最尾都諗住等埋miss 先, 咁有見及此, 有d 就自己走先, 珠珠and fifi 都走埋, 得番我同大丙去市中心食pizza~~

食完pizza, 走人, 完結o左呢個咁具歷史性o既活動!!! (返到屋企都不能平伏)

我自己未拎過學界冠軍, 多謝丙組你地俾個機會我一嘗呢個滋味, 都多謝咁多位fans, 太多謝你地了, 我知你地付出好大, 人太多不能盡錄, 但我地係好感激你地o家!!

15/5/2006 風四字