今日都多節目, 第一個節目就係要打屯門盃, 打十點, o者係九點三左右要去到, 唉, 點知我唔知醒, 就係九點三先有人call 醒o左我, 大為緊張, 飛出門口, 一直跑去體育館, 好彩係友愛o者! 平時都唔覺得咁遠, 今日就特別特別遠咁, 跑到我死!!
去到, 車, 仲打緊第一場, 有排先到我地, 俾d 隊友呃o左, 仲話就開波tim!!!!
等了又等到我地打, 對仁濟, 哈, 死未~~!!
今場阿偉都黎打, 所以我有得做L, 哈, 第一次比賽做L ja~~ 不過都預o左俾人洞死o家喇。 今日接波一般ja, 真係自己手緊, 一傳....... 仁濟今日都算齊腳, 但表現一般, 第一局雖然俾佢地炒, 但係第二局我地拎到廿一分, 勁!! 一隊唔齊腳o既丙組對一隊差唔多齊腳o既甲一, 我覺得交o左功課啦!
好喇, 打完比賽, 咁就返屋企再出去市中心同佳哥佢地食lunch。
原本今日好齊人咁去動漫展, 不過tony 同無敵都唔舒服, 黎唔到。 咁我地食完飯, 咁就搭車出去, 去到, 見到出奇咁少人wor, 咁我地就過去會展, 等埋阿jen 就入得去喇。 阿佳好勁咁問人拎到d 特別飛, 咁就唔駛排大隊入場, 我地有得行特別通道, 勁呀!!
入去喇, 原來入面都咁多人.....咁就搵地方行啦。 其實我黎都係同去書展一樣, 真係冇咩特別想買, 黎行下 + 影下相咁ja。
一開波去o左d 地攤, 攪咩呀, 好似女人街咁o既...
行完就去行番真正o既動漫展區, 好多人, 少少迫, 冇咩野影~~
有d 地方太多人所以冇入, 有入到lego, 原來而家lego 可以好似夾糖咁, 夾一包去俾$, 肥蒲就買o左一包, 成為$160, 貴....!
行呀行, 行到五點多左右, 都累喇, 咁就走人, 出面見到好多cosplay, 不過.......
好喇, 時間尚早, 經商量後決定去銅鑼灣, 行過去, 去o左世貿打機。 有virual cop 3 打呀, 好開心呀, 但係...支槍壞o既, 灰! 之後打高達, 又係壞o既, 又灰! 打完機仲有d 代幣, 咁就出去掟彩虹, 哈, 我好好手神呀, 得我一個中o左.....一筒糖, 好過冇啦 :P
玩完就去食野, 阿佳話同事介紹佢去間咖哩物語, 我地又去試下, 聽講有七色咖哩呢~~ 去到, 睇下, 真係有呀, 有黑, 啡, 黃, 橙, 紅, 紫, 綠。 我地叫o左d 野食一齊食, 有一個可以俾我地揀咩色咖哩, 最尾我地要紅咖哩。
食飽飽, 每人七十, 係幾貴, 不過唔係成日食, 都ok 啦, 食完野就走人, 結束今日咁開心o既行程。
30/7/2006 風四字
文章定位：
