今日朝早下午都冇野做, 係夜晚出o左去食飯, 約o左d n 年冇見o既小學同學, 威哩~~
早d 出去MK 行下, 買o左隻game, 有d 肉痛tim~ 買完, 咁就行過去太子, o係MTR 度等。
唔駛好耐, 阿布都到o左, 其他人就唔見人, 原來有d 去o左拎位, 咁我地就過去喇~ 我地今晚去o左石岐佬度食, 地方一般, 去到, 阿森, 阿麥, 阿程都到o左喇。
仲有兩個未黎, 咁就睇住野食先啦, 之後阿凌呢個遲到大王就到o左, 仲有阿芝未到, 不過佢有排, 咁就食住等喇。
呢度有幾個都係讀才記o既, 所以都係幾年冇見o者, 但係阿布同阿森, 唔計上次唱k 撞到, 大大話話冇連絡十二年, 係呀, 係十二年呀, 小學到而家囉就係, 冇得頂呀!
雖然大家咁耐冇見, 但要認一d 都唔難, 個個都唔多變樣, 最多係要諗諗咩名o既~ 食到咁上下阿芝都黎o左, 佢變得比較多但我都認得出, 不過佢就認唔到我, 真係無奈, 不過都唔奇o既, 其實我小學果陣係一隻小白豬, 又有邊個估到我上o左中學之後變o左一舊炭呢~~
食呀食, 石岐出名乳鴿, 所以都有叫黎食, wa, 真係好食d o家, 唔係心理作用, 係d 肉都嫩d, 有興趣帶大家去試試~~
大家都唔係咁大食, 食剩o左d 野都冇計~~ 食完, 阿凌佢地話去MK 食糖水, 阿程阿布走先, 咁我地就行過去, 街頭間糖水鋪執o左, 咁就要行到金星果面果間石磨坊, 我成日經過, 但都係第一次食。
叫o左個芒果撈, 諗住同平時B 仔食果d 差唔多, 點知原來係刨冰, 一座冰山o係個碗度, 哈, 有d 攪笑~~
食完, 都十一點喇, 咁就走人, 搭小巴, 阿凌就死都要搭西鐵, 真係冇佢計~~
咁就聚完一次喇, 聽佢地講, 佢地都唔係成日聚, 類似我地7S 果班同學, 半年一年先聚一次咁囉~
雖然, 出黎o既感覺有d 怪, 因為太耐冇見, 真係唔多熟, 又冇咩話題, 不過感覺都幾好, 對於我咁重友誼o既人黎講, 一段斷o左十二年o既友誼可以番番黎, 真係好難得o家, 要好好珍惜呢!!
11/8/2006 邦
文章定位：
