24h購物| | PChome| 登入
2004-11-15 16:01:17| 人氣28| 回應0 | 上一篇 | 下一篇

註定孤獨...(08.11.04)

推薦 0 收藏 0 轉貼0 訂閱站台

星期日我終於乖乖留o係屋企做功課,不過晏晝大哥見我做功課悶o左成朝,專登車我一轉落元朗,不過死仔開車真係好狼,而我都唔弱,一於鬆開雙手搵命搏,哈!無食嘩鬼咁耐,仍然咁正,yeah~

就係咁,由十點幾做到零晨點幾,第二日返工鬼死咁好火,好彩主任病假,成個都鬆哂~不過我d仔就無咁好彩,一個一早俾阿媽醒o左個五指山,一個就有兩條大大既藤條痕o係塊面度,唉...

今次上電腦堂仲悶,無聊到上堂玩icq!!!不過阿Grat只係坐我後面,可想而知我地有幾咁悶...哈,不過好笑係阿萍部機不停hang,睇住佢發火個樣都幾好笑(不過我實一不做二不休,一腳踼到部機好返為止...)

今日遲落堂追唔到尾班車,索性漫步返屋企,咁o岩聽wyman既節目,佢話o係日本買o左本書叫"空談科學",內容好鬼搞笑,大約係分析返卡通片既內容如果出現o係現實世界會變成點~

問題A：如果怪獸真係一跳就去到地球會點?
Ans：首先佢身邊既建築物會塌陷,然後佢隻腳會變成一堆肉醬,情況就好似有人跳樓咁囉...^_^

問題B：如果超人由普通人變成20層樓高,最快要幾耐呢?(即係迪加既size)
Ans：一個人變大係需要細胞分裂,就算極速都好,快極都係要9個半鐘,到時阿超人都可以預備俾人分屍啦...^_^

問題C：點解小飛俠(阿童木)要註定孤獨一生?
Ans：初頭我以為係佢隻腳噴火燒死d friend,又或者因為佢係機械人,實情係佢體內原來係一個原子爐,如果有呢個裝置,佢都無可能有其他溝通既function!最重要係佢一產生動力就會釋放大量幅射,基本上佢d friend捱唔夠一個禮拜就會變哂形喇...

有無人可以搵到呢本書呀...真係好鬼正...

我要檢舉
台長： 小蛋散~

您可能對以下文章有興趣

人氣(28) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文