這是一篇比較口語化的文章，若大家感到不適，請立即關掉視窗。
我唔係果Ｄ由細到大都受到乜乜感染，物物感染既人，我亦冇受過乜野藝術文化氣息點樣去薰陶過自己，我亦曾經好鍾意聽香港既Ｋ歌。我唔識塗鴉，亦都唔識跳Break，更加唔識點樣捽碟，我連一樣樂器都未玩過，丫！好似有，龍虎舞師打過鼓又算唔算玩過？所以我並唔係由細聽Hip Hop聽到大既人。
但係人有選擇權，你會揀適合你自己聽既音樂，書，電影，甚至衣著，食物，運動！揀完之後，係咪就一世架呢？咁又唔係，人可以變既，每個人都唔同，不過，我想表明一樣野就係，我揀定左，就一定係果樣，所以你要我揀定一樣係好難，可能諗來諗去，諗好鬼耐都未決定到，但總好過某Ｄ人，係又話O岩，唔係又話O岩！挑！我至憎！！
我亦都係接受九年免費教育大，我鍾情既科目只有歷史，我唔知係上天要我咁樣，定係我真係生成咁樣，所以我習慣了對樣樣野都歸根究底、好似乜野都要同佢起底咁，求知慾係非常之強，可以用打爛個沙盤問到篤，去形容我。一字記之曰：【煩】。
我好欣賞外國歌手，但我淨係留意美國果邊既Singer，冇計，America I Like that’s why！人地作曲，作詞，編曲，監製一手包辦，果種敬業既精神，香港真係拍馬都追唔到！呢Ｄ情況係外國，叫做普遍！係香港就叫做罕有！人地兩至三年先出一隻碟！香港？一年出四隻，春夏秋冬四季每季一隻，年尾就炒埋一碟就話係【精選】！香港係咪無好野，唔係既，都有，不過唔多囉！解散左既LMF，Beyond，許冠傑，咪正囉，人地話黃耀明正，聽完又覺得冇想像中咁得喎！Anyway he is not my cup of tea！點解香港既歌好悶，冇咩變化，有陣時我都想問下你地，香港有邊個識作詞？作曲？最多人搵既係邊個？林夕，黃偉文？作曲，陳輝陽，雷頌德？之但係，我淨係鍾意黃沾同埋黎彼德咋啵，你吹咩！
香港樂壇靠包裝，靠關係，得個殼！唔係咩？陳小春著到咁Hip Hop又咪係扮！佢一出道又唔唱Hip Hop？又唔唱R&B？屌，哂鳩氣！Twins，識唱歌咩？跳舞？定係佢地識作曲作詞呀？基本上，要屌呢班人，真係屌一晚都屌唔哂，真係屌完都覺得哂鳩氣！越黎越多人行出黎做歌星，真係阿豬阿狗唔理好醜，一日到黑都係度影衰緊香港！算吧啦！香港樂壇無得救架啦！大家轉聽外國野啦！
仲未插完架！Just First Round
文章定位：
