Yoo!期待已久的海洋公園Holloween!終於都到啦!!! 好excited!
今日8/10,星期六! 我地下午先去左睇"童夢奇縁"!然後好醒目地去世貿食少少野先
出發去海洋公園了! Yeah!! (今次係我半年以黎,第3次去了!)1次同ex-bf去!今次係第二次同Kevin去! 不過今次係夜場,好有Halloween 氣氛啊! ^o^
Wa!去到金鐘廊樓下,搭巴士的人多到嚇親人…我地排隊都用左半個鐘呀!有無攪錯呀!今日只係8/10咋喎,我地諗住早D,未到萬聖節去架啦!都咁多人架!??入到去都已
經6:45pm啦! 入場都用左15mins!真係激死人了!又多人喎!!好在有高大&大隻的Kevin保護我!^^ 嘻嘻! 男朋友o係呢個時候就發揮作用了!
入到去第一件做o既事係買左2個魔鬼角頭飾! 應o下節吖嘛!
跟住就去排鬼屋!先玩左"異度癈墟"!因為排我地前面有幾個人,所以都唔係好驚!嚇都已經嚇左佢地先!跟住玩招魂古都同鬼神村...我地咁o岩排第一個呀!!!! 好驚呀!!~ D鬼突然間走出黎嚇我呀!尤其是鬼神村,係以京劇為主題!!好驚呀!!!!但佢竟然唔驚喎!排第一個一定係最驚,所以我匿o係佢身後面!佢幫我擋哂前面D鬼!在佢身後面其實都好有安全??!^v^
第一個鬼屋排得耐,其餘3個鬼屋10mins就有得玩啦!因為我地好醒目咁好有策略咁玩!其中一個鬼屋我地行錯路搵唔到個入口,但錯有錯著!我地在不知情的情況下,竟然傻下傻下鼠左去個入口o個度! 附近又無人喎! 有少少衰!但...我地完全唔駛排隊都有得玩,嘻嘻!好o野!
我地重玩左機動遊戲! 滑浪飛船啦,動感影院啦...最好玩都係越礦飛車!因為係夜晚玩,所以D風景好靚,好特別! 但又好刺激!好開心好開心呀!
我地玩到唔捨得走!成12點先等巴士走! 嘩! 好多人等巴士呀!!~
結果我要3am先返到去!! 佢當然重晏(早)啦!! Thank you, Kevin!
嘩! 今日真係開心!好有氣氛呀!好在第二日唔駛返工咋!如果唔係一定無咁好玩!所以各位打算去的話,都要揀星期六呀!不過一定會好多人,小心呀!今日好開心,但好鬼
tired! 聽朝重約左SaSa去cut hair …. Oh!~ @o@
文章定位：
