24h購物| | PChome| 登入
2004-06-27 01:27:52| 人氣116| 回應0 | 上一篇 | 下一篇

就快變阿婆

推薦 0 收藏 0 轉貼0 訂閱站台

尋晚懷疑緊一樣野…令我有ｄ擔心
夜晚訓教就即刻發左個相關既夢…唉…
唔想哩個係事實！希望我既直覺係錯誤架啦

朝早十二點幾先起身…就黎變豬架喇，訓咁多…
三點幾出左荃灣，因為有個朋友幫我搵左份工，
諗住出去見下，我就叫左洪生陪我去啦…哈哈
但係我見到佢之後，第一時間就叫左佢去金禾打機…><"

打打下，林宛打俾洪生問我地一唔一齊去碌齡，哈哈
見咁耐冇玩過，我又毫不猶疑地答應左一齊去^^
有我啦/洪生啦/林宛啦/shita~
(見工哩件事，又俾我擺埋左一邊…)
都唔知點解有工俾我見既時候我就唔去，
冇工俾我見我又急住搵…我真係犯賤呀
碌齡碌得好差勁，得o個六十幾分，最高分當然係洪生啦…

碌完齡去左好口福食下午茶！
炸雲吞薯條好好味呀，食極都唔會厭架^^出荃灣必食
一路食一路傾計，後來cash都黎左！
到左六點半，我不斷咁叫佢地快ｄ走快ｄ走，
因為想去好口福前面間舖問下請唔請sales…到左六點九到先肯走…
留左電話俾個老闆娘…希望佢會請我啦，
問過咁多份工，我覺得最有希望係哩份架喇…god bless me！

之後我地幾個去左金禾打機，見到俊，好耐冇見了^^
八點幾搭58m去建生搵小利啦，夜ｄ諗住打badminton！
咁打之前就去左食粥啦，又去過下仙桃源啦，仲買左d.b飲~

今日打左一陣就冇打到喇，
一黎隻右手因為燒野食之後好痛啦，
二黎兩隻腳唔知乜事，好支力好痛…個樣又賤，
連shita都問我尋日搞咩黎，搞到個樣咁賤…
我都唔知點解，尋日明明成日o係屋企架喎…>"<

後來我/小利/小肥/小肥妹妹/同妹妹朋友就搭的士去良景買宵夜食，哈哈
食魚肉碗仔翅呀，期待左好耐，食落唔係咁好食…
有ｄ失望添，不過你地話今次失準je，下次有機會再食下啦～
食野之餘又飲埋野，飽飽，做完運動又食返咁多野，即刻冇減過肥…死

食完野小利陪我搭輕鐵返屋企喇！真係好支力好支力呢…
咁細個就周身骨痛，大個左點算呀？嗚嗚

我要檢舉
台長： 虹虹
人氣(116) | 回應(0)| 推薦 (0)| 收藏 (0)| 轉寄
全站分類: 流行時尚(美容彩妝、保養、造型、塑身、流行情報)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文