今朝早一起身，成屋人都o係齊到呀，
爸爸因為朝早落雨冇返工，媽咪又放假，兩個家姐又o係到，
個感覺好奇怪，好有壓迫感…所以…出街係最好架！哈哈
尋日都講定左今日要搵工架，今日我終於都真正嘗試搵工喇，
考完會考到宜家，次次話搵工都剩係得個睇字，今次唔同喇！
我有嘗試過去問呀！去搵工之前搭輕鐵去仙桃源搵小利呀，
兩日冇見喇，我知你想見我既…哈哈！
(行去搭輕鐵o個陣真係曬到溶咁滯呀，熱死，o係西鐵站影左証件相喇)
點幾去到仙桃源，一坐坐到四點先走呀，中途食左個飯已經好飽架喇，
見到ｄ人食吐司我又忍唔到口…哈哈，結果梗係食埋去啦，肥死喇…
下晝唔小心做左咸豬手…哇哈哈哈哈><
四點幾我搭輕鐵去到市中心喇，去搵工，搵左幾間賣衫既舖頭，
又搵左做waitress既，賣包既，洗頭既…一係就要一年以上經驗，
一係就要十八歲以上…無奈囉！賣包o個間就最搞笑，
未賣過包唔使做哩份工架喇…洗頭o個間又係，都有病架，
佢問我識唔識洗頭，我梗係識洗頭啦，係唔識幫人洗o者…
算吧啦，搵日再去搵工啦，我又唔急既，請咪請唔請就算啦～
搵工途中仲見到Margaret呀^^，有緣～之後一齊行啦，哈哈
佢仲知道有好多間舖請人，仲帶我去見，到最後梗係見唔成啦，
不過都好唔該佢！到最後我地去左扭扭蛋公仔，呵呵呵
我扭到mickey & minnie呀，(一對)，yeah！每隻十蚊咋，又得意又靚，
一隻仲可以變成三隻^^哇哈哈，好正呀！佢地已經變成我手提既wallpaper lu！
扭完公仔六點幾，Margaret就返屋企，我就搭58x去返仙桃源喇，
哈哈哈，因為我屋企人去左觀塘探婆婆呀！夜晚o個餐我自己搞掂啦
宜家好似成日去仙桃源添，o個到o的人真係好搞笑，去到都會好開心！^^
由其係阿傑呀，哈哈，非常好笑！不過佢都有認真同靜既一面架^0^
哈哈，所以去多ｄ都幾好，不過驚阻住你地做野…
到左十一點幾我就走啦，小利十二點幾先放工呀，
所以勞煩左阿傑送我去搭車，heehee…唔該晒！
同佢傾左一陣計，覺得佢變左第二個人咁，佢講野好認真呀-0-
落左車自己一個行返屋企，真係幾驚架，
行條天橋一個人都冇…落左橋又要沿住草叢返屋企，驚驚…
最後安全返到屋企！哈哈～行到返屋企都成身大汗…慘
P.s.今日覺得自己似返個女朋友^^，
克服左少少心理障礙！踏出成功既第一步，哈哈
可能我今日心情好所以先咁樣？…真係唔知！
我講過：時間可以改變一切架嘛！哈哈，俾ｄ時間我啦～
文章定位：
