嚇破膽＠砵仔靈魂深處｜PChome Online 個人新聞台

2003-12-13 09:55:00| 人氣9| 回應0 | 上一篇 | 下一篇

嚇破膽

推薦 0 收藏 0 轉貼0 訂閱站台

…尋晚真係俾阿媽嚇死啦~我地好專心咁睇梗電視喎，咁我同婷婷又會一路傾住電話一路睇既~突然聽到阿媽大叫好痛~跟住就碌係地起唔到身，起初我以為佢撞到d乜一時痛jei，點知佢完全冇停過，我同爸爸都嚇親，完全唔知發生梗咩事，因為阿媽痛得太突然喇，我即刻同婷婷收線，爸爸好辛苦先扶番佢起身訓落梳化度，我唔知可以點幫佢，睇住佢越黎越痛，成個人都震晒咁我真係好驚，我係咁話打999 call白車，阿媽又話唔使，拖左一陣，睇到佢痛到喊時我忍唔住打電話喇!我咁大個女第一次打999，第一次call白車，當果邊問我個病人仲清唔清醒時我仲驚，我係咁問阿媽有冇暈，清唔清醒，我完全冇諗過會有 “唔清醒”既時候!之後我地好心急咁等白車黎，我俾隻手阿媽捉住，隨住我隻手俾佢握得大力而感覺到痛，我就更擔心!...我依家先知，咩叫做1分鐘等於1年果種感覺，好辛苦先等到白車黎，d救護員入黎就係咁問阿媽野，check左陣先初步斷定佢 “盲腸炎”!即刻送佢去醫院~全部人走晒得番我一個時我即刻打俾毓b，講左一句就大喊左出黎~好驚，咁大個女都未試過咁驚!如果阿媽有事我真係完全唔知點算好!我祈禱，如果阿媽冇事，最多我以後都唔駁佢咀啦~我以後會乖架喇…
…一路做功課一路等電話，爸爸打過2次黎報告，又話唔係盲腸炎，又要吊鹽水，又要抽血驗尿咁，咩事都唔知!不過打左止痛針就已經冇咁痛喇~等到2:00爸爸先話要去威爾斯睇婦科…下?咁大件事?!不過已經唔痛我都冇咁擔心，而且我真係好好眼鲻，所以都諗住鲻住等消息~結果今朝起身，阿媽居然已經番左工!我仲諗住佢會留院觀察or鰠屋企鲻梗覺添!不過…原來只係腸抽筋喇!鬆左一大口氣之餘，我都覺得好奇怪，腸抽筋可以痛成咁架咩?!...不過學婷婷話頭，冇事就得啦~
…今日唱k好開心呀~我同婷婷lee pair 智障人士一定令人覺得好頂唔順啦，連我地自己都嗌晒救命喇~不過希望今日可以令車li發洩左d唔開心情緒，如果仲想唱，我地隨時奉陪架~每逢冬節倍思親~唔知lee句野係咪真係應用架呢?我只求…唔好再聊起我喇~

我要檢舉

台長：砵仔

人氣(9) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)