24h購物| | PChome| 登入
2006-11-04 10:23:49| 人氣86| 回應1 | 上一篇 | 下一篇

**第四天-瑞士(924)**

推薦 0 收藏 0 轉貼0 訂閱站台

第四天 - 米蘭>瑞士>英格堡高地>360度吊車>鐵力士峰>獅子紀念碑>教堂橋>十角水塔>瑞士名錶專門店

歐洲七國個人覺得最靚最舒服莫過於瑞士, 環境優美, 寧靜, 比人一種好乾淨與世無爭既感覺, 而且空氣非常清新, 好舒服。

朝早搭左3程吊車上到雪山, 係時間出動遇寒三寶(羽絨, 頸巾, 手套)...真係好凍好凍...。 凍到手震, 耳仔痛..好辛苦..不過環境真係好靚...凍親都抵...

影完相行完雪上, 返入去食飯..(今餐好豐富, 唔知係唔係凍完特別肚餓)食左好多野呀~~ 由於時間唔夠..老公食唔到雪糕(炸我型)..hee~~ 逛左陣精品店...就要走lu~~

跟住到市內遊, 睇左獅子慘不忍睹個樣....(導遊話個石碑最有問題既係)..
面部表情, 動物唔應該有依種表情......((睇睇下又幾似bor)).....

瑞士最出名?? 名錶囉......再者係朱古力...老公對名錶又無乜興趣, 認識又唔夠深....所以我們只係周圍逛逛mall...竟然見到longchamp..價錢都ok~~ 於是又掃貨....老公就要唸究竟送咩比人做手信?? 佢竟然買左幾個水晶音樂盒比人....?? 真奇怪....最後...買1個變2個..(因為有個要抽稅)...哈!! 我要....

本應想停手..竟然見到心頭愛gucci錶錶..意大利望過無買..如今又見番....(其實嫂嫂話聖誕節陪我買...可能有7折)..不過都係可能又未必係...心郁郁...再望望另外一隻皮帶(做半價)..好平...但係帶落手..都係心頭愛最perfect..依個時候魔鬼老公出現~~ 買啦..買啦...買啦.....半咩價..你都唔鍾意....買隻自己最愛架啦....最後..最後..連手頭上面既cash都用埋....(因為比cash有多4% offer).....^^ 都話用到山窮水盡...唉..魔鬼...魔鬼.....

風吹雞蛋殼, 財散人安落..(導遊話旅行金句).....(真係全中)...


今晚住左一間酒店, 個人感覺最舒服, 最光猛.....同埋食左一餐當地出夠既香腸..普通啦~~

飯後好多團友都出去逛逛...(唔係去shopping)...都close哂, 係出去行公園? 初時都驚唸住返房訓...點知遇到一對夫妻....話一齊出去囉~~ 見...有幾個人...膽粗粗出去啦...估唔到夜晚既公園好寧靜, 係咁舒服.......

當地人拖狗狗仲非常有公德心, 拾狗狗大大...係咁搵係咁搵, 唔怪得之地方咁乾淨...相信依點香港真係一d都唔及..果一種教養.......

瑞士好...買野有華人講廣東話, 退稅又即時退...比cash又有discount....d人又有禮貌, 一切一切都好好...印象唔錯~~ 將來老左..值得再去既就係依度啦!!

我要檢舉
#旅行
台長： 比比

您可能對以下文章有興趣

人氣(86) | 回應(1)| 推薦 (0)| 收藏 (0)| 轉寄
全站分類: 男女話題(愛情、男女、交友) | 個人分類: 旅遊篇 |
此分類下一篇:**第五天-巴黎(925)**
此分類上一篇:**第三日-威尼斯+米蘭(923)**

我要回應
Kitty
瑞士係好靚ga, 所以先有世界花園之稱!
2006-11-07 12:50:43
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文