16/2-2500
極速去mk整番隻崩甲+派利是, 之後快快搭mtr趕去天后join朋友睇貓~~
好開心一呼幾應, 小玲得悉我想養貓, 即時話可以介紹幾個客比我, 佢地都有養貓, 或者有bb貓.......之前老公班朋友又爭住比貓貓我, 可惜唔係我鍾意既type......跟住問朋友, 自己都有做reseach, 最後...決定去貓舍....事關有朋友既朋友去買過貓貓, 對貓貓超乖超聽話超可愛, 同埋上網seach都有好多人去買過貓, comment都幾好, 而且有d更加拎隻貓去參加比賽, 都贏到比賽...........坦白講, 我唔需要隻貓貓去參加比賽, 但求佢係純種貓, 聽聽話話唔好攪破壞....^^
依隻就係細細粒, 比貓舍改左個名做鬆弛熊, 睇web site最鍾意係佢, 不過佢唔係我第一眼選擇!! 但係都好可愛...睇佢訓到好似公仔咁.........任你玩, 我係咁郁佢對手, 玩招財招財, 佢都唔理我...good!!
p.s. 唔駛擔心鼻鼻個度係食奶整成, 戒左奶就無架啦!! 到時會好靚女架啦..........
依隻係我一見鍾情既貓貓, 加埋朋友一致話好靚既糯米糕......初時望住佢, 明顯比鬆弛熊大隻, 以為係男仔, 點知check番先知道係女仔...........唸住買一男一女返屋企好sweet......最後天意都係買孖女回家!! 無辦法, 邊個叫佢地恩愛到好似情人一樣, 唔願分離.......二姊妹超好感情!
鬆弛熊查實都幾攪野, 一講買二隻, 即時開眼.......唔通? 佢地奸計得逞?? 係我面前扮可憐, 引我心軟買哂你地返屋企?? 返到屋企千萬唔好攪破壞..........事關買一隻就無人反對, 二隻已經比人轟炸.........要節衣縮食先掂.............起碼半年唔駛買野, 無得食好野..更加唔駛唸去旅行...........犧牲好大架!!
本來唸住買一隻cream色, 一隻灰色既英國短毛貓, 事關佢地個性格, 夠哂高貴, 又識自己打理自己...........不過朋友同貓舍主人都話英短唔跟人, 而且有二層毛, 夏天要長開冷氣, 日日都要梳毛, 加埋佢地轉季甩毛好勁, 而且毛球亦都好多......新手唔係太岩養........所以...都係算!!
最攪笑就係依頭先話佢地唔咬人, 個頭就咬到個女仔流血.........嘩...好似幾惡咁.......都係買易養一點又淋既美短啦!!
就係依對...本來想買架!! 事關真係幾靚女靚仔.......不過細隻就可愛, 大隻就因為無紋, 都係麻麻...........算啦! 你地bb既時候好短暫........影張相, 抱下你地算啦!!
英短個樣好可愛, 成舊飯咁............同埋二層毛, 好似公仔!! 希望你地快快搵到新主人.......
有wall paper為証, 一直以來都係鍾意依類貓......原來你地係美短!!
日本貓貓cafe 最like既貓, 都係美短......唔知佢地大個左有無你咁靚女呢??
美國短毛貓 --- 藍虎紋 女 |
名字: 鬆弛熊 (改咩名好呢?? 細細粒, 又怕事, 又驚青?) 店主話佢最似爺爺, 都係藍虎紋.....爺爺係世界級貓貓, 今次佢地專登去美國配種, 同胎有四隻, 三女, 一仔, 佢地店要左一隻繁殖, 另外三隻, 我買左二隻, 得番一隻暫時唔多可愛, 唔跟人既仔仔...... |
美國短毛貓 --- 藍銀虎紋 女 |
名字: 糯米糕 (大大隻隻, 超活潑可愛, 唔怕人周圍跳, 仲以為你係仔添, 咁男仔頭) 如果要買一隻的話, 應該會買你回家, 因為睇緊貓既時候, 已經有人問你啦!! 好彩早到, 係第一個睇貓既客人, 所以先買到你返屋企炸.....你同日本cafe貓貓最似, 希望你大個女似佢咁靚女啦!! 唔好再男仔頭啦............ p.s. 真係要同老公講句sorry, 原因係心軟, 見到佢地初生貓貓, 抱住係手既時候, 係咁叫係咁爪, 成隻震哂, 真係唔忍心一隻拎返屋企.....二隻起碼有個伴會開朗點, 唔咁怕人, 我會比心機照顧佢地架啦!! 知道你做野辛苦, 死慳死抵先嘔到堆錢比我, 我就走去買對貓貓......放心我唔會玩玩下, 我會照顧佢地一生一世.對佢地好好架啦!! 活寶貝.....希望將來生bb, 佢地都同bb做到好朋友!! ^^ 咁記住下個月匯多1500磅比我找數啦...ee; 2500磅夠買貓貓+少少東東, 打針, body check錢, 就交比我啦~~ (千萬唔好殺我)~~ 買二隻.......你快點望多d張相, 望望下就會好愛佢地架啦!! 快d中貓毒........ Remarks : 你地2011年1月6日出世!! 今日係2月16日...即係你地1個月大左右......月尾會去探你地架啦, 再update新相....快高長大啦! |
文章定位：
