第一題 學習資料心得
（有字有聲閣有影）
公視台語台“解聞說字”
我真佮意吳國禎的腔口，伊真拍拚講，嘛真會曉講詩文，俗語抑是歌詞，七字仔，來解說歷史參人情世事的道理。
公視台語台 “我在市場待了一整天”
主持人李明璁真正親民的身形佮特殊的學識經歷，伊的輕鬆紹介方式，予我見擺看著各樣的傳統市場內底的人，故事，攏真有臨場的感覺。
（台語podcast）
戀戀曾文溪
這个節目雖罔已經結束，毋過每一集的台語詩，攏邀請寫詩的作者來唸出伊寫的詩，真有感情嘛會使學臺語字，閣較會當感受著詩的內涵。
台語tsin輪轉
少年主持人“滾一編”，會參來賓作伙講五四三，論時事嘛講笑詼，聽著真心適。
（Blog）
鹿津遊子—許嘉勇
台語研習的時陣，許老師有紹介伊的網站予阮，內底有伊收集的鹿港傳統物件，也有文章寫出真濟參厝內人鬥陣的故事，無蓋濟篇，看甲真順序。
古錐的所在
這是這擺上課，聽陳豐惠老師的課才知影的pchome新聞台。啊！原來這是台灣心民歌主唱：陳潔民的新聞台！！感謝陳老師的資料，我又閣揣著一个好所在。
（字詞典）
教育部台灣閩南語辭典
目前較慣勢使用的字典， 用音就會當揣出適當的台語字。較無方便的是，那準工看冊，就無法度揣出字的音欲按怎讀。（那準是電腦內底的文章，就會當copy彼个字，貼佇網路的字典查）
萌典
這個字典參國中小的課本相仝，會甲注音符號寫佇台語字的邊仔，毋過用無啥物慣勢，因為資料傷過濟，有華語台語客語……，著愛閣加開真濟時間才揣的出來我欲揣的意思。
第二題 國家語言發展
台灣三擺的國語政策
背景：
我的年代，是國民黨限制愛講國語的時代。小學老師是真有氣質的外省查某人，師範生。
因為佇厝內我攏講台語，定定去到學校就予人罰錢。我阿母逐擺攏那幌頭那提錢與我去學校交予老師。在我的記持內底，阮母仔四常拍我，因為我真正狡怪，毋過毋捌因為講台語予人罰錢這款代誌拍我。
比較：
| 殖民漢字日語政策 | 國語推廣運動 | 母語教育政策 |
主要推行者 | 日本政府派過來的菁英學者佮官員。 | 國民黨𤆬過來的民兵，佮逃過來的國民黨官員。 | 民間母語人士佮教育部。 |
實施原因 | 清朝政府割讓，日本接收，拍算用各種方法將台灣做𪜶的殖民地。 | 國共內戰，國民黨走來偏安，全心轉去祖國大陸。 | 本土語言意識的抬頭佮傳承的危機感。 |
時間 | 1895-1945 | 1949-1980年代 | 1980-到今 |
實施地點 | 台灣是𪜶日本的國土，美麗的南島。 | 台灣是暫時逃難的所在。 | 台灣。 |
目的 | 1. 推捒日語作官方語言。 2. 外口公開的場合袂使講本土語言，一定愛講日語。 3. 重視漢字（繁體字）。 | 1. 強調國語是唯一的官方語言。 2. 限制本土語言的使用。 3. 發展國語文學佮文化。 4. 强化國家统一佮大中華的民族認同。 | 1. 強調佮發展本土語言。 2. 提高學生仔語文的能力。 3. 多元語言提高多元文化素養。 |
文章定位：
