南之私心事 很久沒有打日記了,各位賞面不妨看看呢!

38愛的鼓勵 0訂閱站台

上星期四....阿儀要搵一個女仔黎幫佢做model....

結果我就幫佢搵左阿yen幫手.....

造就左阿yen成為第一個見到阿儀既女仔fd啦

 

佢地自己兩個已經約左七點....

我有野做....八點半先至到....

 

我做完晒野之後....就搭巴士過去啦...

仲有時間行多一陣添....

之後行行下....阿yen打黎...

笑住話︰「阿儀問你去到邊喎....」

我話︰「附近啦！」

心諗....咁開心既....

 

之後企左0係大廈對面等兩個美少女落黎.....

等左一陣....首先見到既係一個紮起左個髻既女仔....

然後當然係我個阿儀....

行到埋去...乜原來紮髻果個係阿yen黎架喎....

兩年無見(其實應該多過兩年...咁都keep到都算奇蹟啦)

佢個樣大個左好多呀....仲多野講左....

同以前果個菴春真係爭好遠....

 

然後阿儀要上返樓上拎返個相機...

我同阿yen就企0係樓下等阿儀...

一路同佢傾計...佢同我講左好多野呀...

仲話︰阿儀真係好靚架...又好人喎

 

其他談話內容就刪減啦...係上面呢句要大大聲講出黎~~

 

哈哈...然後我地三個一路傾住計一路行去食飯...

阿yen仲問阿儀一d化妝既野....

好開心呀...我同佢地講...

「我好耐無試過一拖二啦....」哈哈

 

上到去....叫野食....傾計....

仲幫阿yen揀食乜....

原來阿yen平時係由佢男朋友幫佢揀食乜....

小公主一樣...哈哈

 

食完之後....阿yen就自己走啦...

我就送返阿儀返屋企啦....

沿途真係sweet爆左....哈哈!!^^

 

呢輪阿yen要搵工...

阿儀幫佢手去佢公司做....

希望阿yen比心機啦!