小智　　　No Longer I 開將啦　～　開將啦　～ 　今天是 ２００５年９月２４日晚上１０時３２分 能夠開張．．．一切都是靠〔神的恩〕 　這　是　無　言　的　恩　典　！！！ 關台日期 : 未 定

25愛的鼓勵 0訂閱站台

713 感謝神，我雖有軟弱，感謝神，祂要建立．

近來有三份工作的interview，當中有好些很寶貴的經歷 & 學習：

第一份工作，是在荔枝角，先填form、再見HR、最後見supervisor。當中大部份都是傾談有關工作上的事，但果個supervisor就同我講在application form工作的離職原因有問題，我寫：「工作性質不合 ( 要做一些欺騙人的工作 )」，佢話咁寫就好有問題，尤其是括號的字，因為我咁寫，比舊公司睇到，可以告我 >.< ；如果這間荔枝角的新公司原來是我舊公司的死對頭，佢地就會囉份野去做野；又如果這間新公司原來是我舊公司的好partner，都有問題，佢地就會囉份野去比番我舊公司睇，說你公司原來出左個咁既人來。。。唉 ~ 這番話我不斷思想，咁又係喎，直頭攻擊左舊公司。另外佢又問我是不是第一次見工，坦白講，我有時真係極端左、傻左，佢叫我下次真係真係唔好咁樣寫啦 ~ 好 ! 難得佢都咁坦白，我都好多謝佢，好受提醒 !!! 最後，佢話幾日後，都會回覆我會唔會請。等通知啦 ~

接著是第二份工作，是在紅磡，最後見manager，見唔夠5分鐘就見完。今次我當然沒有寫上 ( 要做一些欺騙人的工作 )，只寫「工作性質不合」，於是佢都有問我舊公司的情況，是咩原因離開，我都有表白給佢知道，之後，佢再問我 : (若當請了我的時侯) 如果佢叫我同工廠講，今日一定要做 (明明是明天先到期的)，我會點做呢 ? 我當時個心傾向了這份工作，心知道如果我答 : 我唔做，結果一定是byebye，當時我軟弱了，我回覆 : 我會同工廠講今日，是因為公司叫我咁做。其實個manager心水好清，佢回應呢個case根本就跟我舊公司的情況一樣，是同類的，所以佢對我說 : 「你唔係好適合做shipping，..... 咁你唔係好岩我地公司了。」都好，我好多謝佢，起碼佢都沒有扼我，如果叫我等通知就等於扼我啦，於是5 mins 的對話大家就byebye了。這份工作學習到的就是順服主，既然主已經攔阻左條去路的時候，我都不要再回想甚麼了。也學習不要因人的說話而不開心。始終主的話比一切都準確，果排靈修的時候有主的話「......原不相配......有甚麼相干呢?......」於是明白主的心意。第一份工作之後真係有回音叫我返工，不過我先多謝佢 & 推辭了。因為知道主的心意，而且佢之前interview講過要想我降低一d標準 (意味都要講一些良善的大話)。婉拒之後心裡也很平安。

往後，再思想、禱告、等候，是不是真係要轉工呢 ? 其實如果做番一d普通文員都冇所謂架。點之，在一個好偶然的期間比我睇見另類工作－「校務文員」。嘩 ! 好開心 ! 當然中小學都要高d學歷啦，我得form 5，而且沒有full cert，就試下幼稚園文員(仲話要請基督徒)，不過打到去問，原來請女仔，咁又係既 ~ 女仔照顧小朋友比男仔較方便d既。還試過打去問老人院文員，不過問清楚原來要on shift既。之後有一次，與兆威弟兄交通過這樣的情況，佢都比左個好大提醒我，就是唔好執意定意選擇自己的道路，始終我們是活在地上打世界上的工，就算比你去到學校都可能有d不同真理的事情況出現，最緊要是自己先做好防禦，來抵抗外來的侵襲，所以真係唔好揀選自己要行的路... 。

於是之後只是send了最後一份工 (shipping)

感謝主，份工31/3登廣告、1/4我send email出去、我以為都冇回音架啦，點之，7/4才約我8/4見工10:00am，哈哈 ! 我好開心，於是請假去見工。

第三份工作，是在九龍灣，首先做2個test，每個20分鐘，一個是L/C銀行文件，另一個是英文作文(是我弱項)，有3個提目，介紹你自己、對於呢份新工作上有甚麼期望、最後講未來的路向及計劃。唉 ~ 我超晒時都唔夠時間做，不過已經盡力了，完成八九乘左右。之後同時見HR + shipping manager，傾談到最後，估唔到HR竟然問我介唔介意用英文對話，我都回覆冇問題，不過我都唔識講自己，其實要寫都寫左啦，講左三句就算了。完成interview回來好開心 ~ no matter what the result is. 我深知道我的前途在主的手裡 ^-^

下午繼續回舊公司工作，好矛盾，因為個心整天都好像想著早上IN果份工 (都唔係介意結果的問題)，唔識講 ~ 思想係思想...interview的情景(好笑) & 我做左呢份工作的情景(我幻想)，由公司返工、放工、返聚會...等等 好多野想 ~ 不過真係唔介意請唔請我。又不過...唉 ~ 眼見自己當日下午都收唔到來電就有D失望，就已經知道自己都是想做呢份工 ~.~ (在這裡主讓我學習認識自己，原來都是咁樣)

當天晚上回家都好開心，漸漸明白，主有主的美意，唔請我，可能仍要我學習(順服主的主權)。感謝主，有肢體及時的話 : 「而加最好咩都唔好諗=唔洗諗～依然做現在要做的事」

第二天上班都冇野，直至下午四點幾，一睇見來電顯示，有90%記得是果間公司的電話 ~ 心裡好驚，心裡只想講主呀主呀主呀....(其實唔知同主講左咩野 ~ 好似冇講過野咁) 跟住就接聽電話啦，對方人事部就再次約我second-in，最終是11/4 星期五 11:00am。收線之後才發覺好開心，不過我開始，好驚好驚好驚啦 ~~~~~~~~~ 因為我想，唔知係唔係佢地覺得上次first-in我用英文介紹自己唔ok、講得差，要我再test一下呢 ? 面對面講英文真係好驚架 >.< 驚左成日幾，我根本不知道second-in要in d咩野，感謝主，主藉志雄弟兄在MSN用英文對話左一陣，他用心幫助我、而且他提點我好好預備一些必答題、他又鼓勵我 !!! YES ! 果晚好好禱告、預備個心 & 一些必答題 ~ 最重要讓主預備我個心 (對的心) !!!!!!!!!!!!!!!!!!!!!!!!!

到了11/4當日，帶著基督的平安去赴 in，其實主知道我的軟弱，他們沒有再考我英文，只用中文傾談，最後靠主不負所托完成interview，感謝主 ! 他們有意想我下星期一番工，但仍須要跟舊公司達成共識，有2方面 : -
(1) 交接手上工作的手尾 ? (三星期前已經開始89乘ok)
(2) 上司說人事部不知道可不可以接受，是否需要多幾天處理其他程序 ?

第(1)點不擔，我反而擔心第二點 (因為舊公司想我多留一兩天幫手)
未返新工之先，我也要為自己pray，因為舊公司唔係太想我下星期一咁急離開，須要主的幫助，叫這個交接在和平底下順利完成 ~ 我都會再confirm新公司的正式上班日期 ^O^ 最終，我被confirm左下星期一返工，星期六12/4 舊公司 last day ~~ 感謝主，能夠在和平的狀況下順行完成交接，之前我真係真係好怕我舊公司會唔比我咁快離開 ~ 主開路，人事部&咩人最終都ok晒 ! 哈哈哈哈哈... (好奇妙呀 !)

呀 ! 講番新工的公司是USA BUYING OFFICE的SHIPPING CLERK，個名叫 PVH = PHILLIPS VAN HEUSEN，九龍灣。最重要就是不要再做廠的工作，基本上工作已經沒有舊公司的問題，雖然工作性質同之前有好多唔同，但我仍要好好警醒。

^_^ 這是一個很寶貴的機會學習，結果唔係不重要的，but最重要是在過程中有學習經歷主、認識自己、認識主、 (非我唯主) ^_^ 、主有主的時候、主有主的主權。。。多謝好多肢體的代禱/慰問/關心，聽日14/4是一個 turning point，要靠主的恩 ~ 一方面適應工作，另外就是最緊要的－見證。是主為我預備的新工作，好感謝主 ^o^ /

今天13/4主日lunch好開心，可以去試上海野「新天地」，而且仲有好多弟兄姊妹一齊有交通 ^_^ (燦明、國泰、偉東、志雄、麗英、愷晴、玉璟、Sue、雪黎)，share $34都ok