小智　　　No Longer I 開將啦　～　開將啦　～ 　今天是 ２００５年９月２４日晚上１０時３２分 能夠開張．．．一切都是靠〔神的恩〕 　這　是　無　言　的　恩　典　！！！ 關台日期 : 未 定

25愛的鼓勵 0訂閱站台

真係真係真係估唔到，我呢一次送別的朋友，就是我在地上最好最好最好的好朋友

3月20日，我在公司5:00pm收到你二哥的來電 : 「阿ken已經走左!」 >.< 我個心忽然唔識形容、腦袋一刻都是空的、思緒靜止左一段時間 ~ 「我好難想像這個，一個月前我地都可以有出來傾計，走左這消息實在來得太突然了」我還以為我地至少會有多幾次的會面 >.<

在我心目中，這位好朋友兼舊同事，是在大約1999年認識的，我們有幸在一間手袋皮料公司做左2個月要出街的SALES(是同期的)，雖然短短兩個月的時間，但我地漸漸開始建立友誼，最緊要的就係當時我地都有好多共同的嗜好，就是「賭馬、打麻雀、卡拉OK、落BAR飲酒、機鋪打機...」就因為咁樣，我地一拍即合，而且工作時間又會約埋一齊「吞POK」、一齊出去嘆番個M記早餐先出街「正呀」。時間真係過得好快，各有各前路/方向，但我地仍然有保持聯絡，又因為我地住得好近，所以成日都可以一齊出黎，有時會去泳池游水，不過其實游水都唔係主要，最主要係傾計、吹水、講笑、講心事、無論工作、生活、甚至感情問題都會傾餐飽；有時會去球場打籃球/踢足球，不過其實最主要都係以傾計為主；有時會去釣魚＋傾計；．．．總之好多地方都有我地d腳印 & 難忘的回憶，如果真係要數晒出黎都可以再數得好多好多，所以我可以大聲宣告「ＨＥ　ＩＳ　ＭＹ　ＢＥＳＴ　ＦＲＩＥＮＤ　！！！」我地一齊沈淪賭海、一齊LOOK爆咭、透支、借錢、一齊食飯、飲野．．．．．．實在太多經歷了，曾經都有試過兩次因為金錢的問題而搞到我們朋友的關係缺裂，但最終大家都冇事，感情更加堅固、彼此更加關心，深厚的友誼繼續不斷建立。他煮野都有一手，他曾經在他家裡親手炒過一次飯比我食，當時他家沒有人，我地賭馬，不過我賭馬冇晒錢，他切碎d豆苗、咁岩他家又有d冷飯，所以親手炒比我食，真係好好味，好多謝他 ! 好味到可以開檔賣飯為生；仲有，他幾年前送比我的生日禮物（手錶）我仍然帶著，成為我的留念；我仲記得，當我蒙恩得救，在受浸聚會他都有來參加，我當時真係好開心 !!! 這就是ken和我在地上最後一張合照 ^_^

4月3日安息禮拜

生平記述(部份)
－－－－－－－－－－－－－－－－－－－－－－－－－－－－－－－－－－－
07年8月ken因身體不適，入院檢查，證實患上胃癌；當時他雖然有抱怨，但仍樂觀積極面對。化療其間，ken不但要面對癌症帶來的不適，亦要忍受化療的幅作用，但ken從沒有放棄，堅持到底。

感謝神！讓第一輪的化療有理想的效果，當時ken身體狀況亦有好轉；於是，他趁這段寶貴的時間，做了一些他喜歡做的事，見他的好朋友/舊同學。可惜今年初，ken的身體開始轉差，第二次的化療作用不大，癌細胞擴散得好快，情況急轉直下，ken最終於08年3月20日安息主懷。

患病期間，ken開始主動接觸福音，更向他大哥索取一些有關福音的書籍。期後，在家中決志信主，在一個絕對清醒的情況下，更於離世之前在醫院要求進行洗禮，加入教會、歸入基督。住院期間，ken的身體狀況很不理想，因肺部積水而氣喘；仍然堅持開聲祈禱，可見他對神的信心是何等的大。雖然ken的身體因疾病而朽壞，但他的靈魂卻得到救贖，得享永生的福樂。

ken的一生，匆匆三十載；不能說是很長，亦不能說是很精彩。但他已留下了很多美好的片段給我們－包括他對家人的關懷、對朋友的真誠、以及對抗癌症的堅毅。這一切都好值得懷念。深信現在只是與ken暫別，將來必定會在天家再次相聚。
－－－－－－－－－－－－－－－－－－－－－－－－－－－－－－－－－－－

4月4日出殯火葬

ken的家人主動邀請我食埋餐午飯先走，他有兩個哥哥，大佬是基督徒大他八年結左婚、二哥是在美國讀書＆工作，父母近年都退左休～第一次見他們好親切，他們三兄弟好似樣，大哥一講野，d姿態/神情就似了、二哥都唔洗講野，就已經好似了(個樣好似)。我都趁著機會同兩位詳談，講出以上我心裡面的說話、和ken的難忘回憶都一一盡訴。

從他的大哥口中，ken慕道的時候曾經問過 : 「大佬呀 ! 主耶穌係唔係會饒恕我一生所犯過的罪呀 ? 我一生中有些罪是好明顯犯的、有些是暗處的、有些是環境因素而引起的...」感謝主 ! 「祂兒子耶穌的血也洗淨我們一切的罪。」(約一1:7) 這是主的話、是主的保證 !!! 我們蒙赦罪是建基於呢個的。

我唔會再有懷疑，我肯定深信在主裡面睡了的人有福了。他們必得復活。他是我的好弟兄，我們必定可以在天家重逢。在主面前親口說出主拯救的恩典 ! 感謝主，這個盼望真是最大的安慰 !!!


一個罪人悔改‧在　神的使者面前‧也是這樣為他歡喜！(路加福音15:10)