１好消息呀～公司在１０月份的人工每人都作出調整了，感謝主！
２好消息再來呀～好感謝主！公司由１１月份開始，試行星期六返長短週，我都係剛剛在１１月１日才知道，咁公司安排了我在１１月４日開始短週放假，好野～～～
於是我決定用主賜給我的半天假期中午去探巫弟兄，到美孚地鐵站搭小巴上瑪嘉烈醫院的時候，忽然見兩個熟悉的身影，呀！係康弟兄同慕華姊妹．好野！能夠比我遇見佢地，而且有佢地帶路，我呢支盲公竹唔洗擔心囉～咁去到要消毒、帶口罩、穿袍，入到去第一眼見巫弟兄，佢又瘦左，但佢認得我地呀！常常有反應，在清醒的狀態，不過個口插晒喉，講唔到野，只能用眼神回應，我去握住佢隻手，佢隻手好有力，不時比反應我，我咩都唔識講，起初握住佢隻手，對望左一陣，都係講ｄ普通既野，原本好想整番個手勢（指公向上）比佢支持佢，不過冇呀，講多一陣野，要換人，因為只可兩個兩個入去深切治療探病，行出去等就見到惠如同淑芳，再行埋出門口仲多人，見影霞、淑珍、培芬、炬芬、基予．．．，相信時間都差不多，我地唔可以再入去睇第二次了，於是就同康弟兄同慕華姊妹先行離開．
我有些感受，其實巫弟兄咁樣既情況，我們都好關心他、為他代禱，但主又開恩叫他在星期一那次心臟停止跳動，在千鈞一髮的一刻，搶救得番，一方面是主的憐憫，試讓巫弟兄的女兒趕及回來探望巫弟兄（真係要切切代禱若是主的旨意願其成就罷），另一方面讓我們每一個人都有學習、感受、或是思想，我們的人生，唔係信左主，情況可能唔係咁，面對死亡，好多人都會怕，但屬主的人就不同，因為是去見主．我的好朋友．
今日成聚是詩歌見證，玉貞姊妹分享巫弟兄＋詩歌「救我恩典」，她在巫弟兄的事上都有學習、思想，若果巫弟兄、或你或我離世睡了，當一開眼的時候，向主第一句講會甚麼呢？我地能唔能夠坦然呢？現在我們活在地上行事為人的態度應該點呢？另外有兩位姊妹都係分享這個．可見，主在仍然用著晚年的巫弟兄，好像跟我們每一個說話，而你又感受到甚麼呢？
最後，仍然都係呢句「懇請代禱！」少了你一個都不能．
文章定位：
