先來介紹一下我家近來飼養的孔雀魚，牠們是胎生的，也是大孔雀雌魚生出來的，我亦曾經親眼睇過佢地[必]出來的魚仔，有時起孖[必必]，有時連續[必必必]，真是很有趣；而且還有紅劍，隻大紅劍雌魚一次過生了過百條，我都未見過咁勁架；另外又有金魔利，是黑魔利的同鄉；不過全部小魚都死多生少，成功長大真係唔多。至於我Cover Pic的五條孔雀魚仔，已經改晒名，分別叫卓智、偉文、天維、達仔、彥俊，以上名子如有類同，實屬巧合，希望佢地可以長大。其實呢個星期系我心裡面先浮現呢個構思，所以尋晚問定細佬借個相機今朝拍照，已經好滿足了。
今日簡直係勞動日，要幫手執屯門倉，一行十二人，因為倉庫唔多夠光，所以之前都預計五點半可以收工，一連幫手兩天，男仔必定是兩天，女仔就一天，今日放左工唔洗番公司，大家唔同路各自歸，我預計諗住去搭輕鈇去屯門市中心，再搭一程巴士回家，同其他同事講byebye就自行去搭輕鈇，我呢d九龍仔黎到新界真係唔掂，睇極個購票圖都睇唔掂，因為真係好多車同好多路線，見人少少，我不得不問隔離等車個學生哥，去市中心用八達通點買票呀？咁佢就指左我去果邊[嘟]一下，就岩岩有車來，我急忙問佢喂喂呢架車可唔可以經市中心架？佢睇睇個圖，就坦白回答我：唔得呀。咁佢自己就上左車囉！我慢慢研究個圖，原來發覺呢個站果三條線都唔經市中心，要轉車先得架！頭先個學生哥岩岩上果部車就係可以系兆康站轉車架，我只好在車站餵蚊十分鐘。之前班車有多個輕鈇查票員捉左個小學生(肥仔)落車，觀察一下原來個肥仔搵唔到佢自己將車飛，果d票務都好有耐性同大家在月台上一齊餵蚊，仲十分有禮貌地向個肥仔講叫佢慢慢搵果張飛，又話我地都好想你搵得番，最終個肥仔都係搵唔到，佢地登記晒d資料，打埋電話比佢阿媽，再比埋果張罰款票佢，就完事了，個肥仔一路到尾都冇咩表情，又唔喊，一d戲都交唔出，跟住有車大家一齊上車，我有位坐，個肥仔無奈，d票務就繼續在車上查飛，過多兩個站，d票務又捉多兩個小學生落車，唉！學生哥，點解你地唔買票喎？唔通你地有難言之隱？車上好多人，我隱隱約約聽到講播話西鐵，Good Idea！我又轉軑去兆康站轉搭西鐵，因為明天要由屯門去深水土步番查經聚會，想預下時間，估唔到真係好快，全程２０分鐘都唔洗就到美孚，我諗聽日最遲要6:15pm搭車走囉。明天早上9:15am要直接去尖沙咀客人度開會，預計12:30pm完左就入屯門會合同事們繼續勞動勞動。我要早些休息囉！
至於背經方面，100%睇過晒，都唔肯定識幾多，盡力而為囉，不過都係求主預備一個專一的心來聽主的話要緊！
文章定位：
