師奶
有好多既特徵
訓晏覺、八卦、追電視劇．．．．
今日要講既係其中一個
「愛上最便宜的東西」
當師奶見到
街邊Ｄ執笠大減價
百貨公司清貨大特賣
超市中秋大賤賣
等等
佢地就會瘋狂
不惜排隊、迫黎迫去、甚至打架
佢地都係為左一個目的
「買到最平最賤最抵既野」
我平時見到佢地
我都非常之唔高興
做咩要係度爭餐死呢
留番Ｄ時間係屋企訓下覺仲好啦
最近
我受到一個損友既影響
好聽就係講影響
唔好聽就係叫強迫
呢個損友不停咁影響我
強迫我做一個師奶
所以
我由一個師奶初學者開始
慢慢咁記得
每間超市同一商品唔同既價錢
慢慢咁知道
買Ｄ咩野會送Ｄ咩最抵既贈品
慢慢咁識得
點樣快速地計算每１００Ｇ既野要幾多錢
直到我成為一個準師奶
我有非常多既疑惑
好似到左人生另一階段咁
知道師奶原來唔係咁敷淺
終於有一日
我去一間超市買野
諗住買牛肉煮飯
點知佢竟然有大賤賣
買牛肉送牛雜
實在太興奮
我好快咁買左佢番屋企
我知道我己經到另一個境界
原來師奶買平野
唔係為左慳果幾蚊
係要尋求果種快感
當你每次買到超平既野
果種感覺真係難以形容
如果唔信
可以自己親身証實下
就算搵唔到呢種感覺
我都想各位以後
請不要誤會師奶
文章定位：
