(圖摘自網路)
有一個人，搵五、六千蚊一個月，出去租間最平o既舊樓都要四、五千蚊一個月。但係，包租婆自己供，都係二千零蚊一個月。想同佢投訴，佢話：呢區間間都係收緊呢個價錢架喎！邊個叫你冇錢俾首期呀？有錢就買口左佢唔好租啊？一份人工，大半就咁俾包租婆賺口左，點生活？
呢個人，識0左個女朋友，小倆口一齊返工，加埋有二萬零蚊一個月，決定同返（同埋）屋企人住，慳ｄ錢，每人俾四千蚊屋企人做家用，淨番（返）萬二。當儲到一萬蚊一個月，一年儲到十二萬，五年先儲夠60萬可以夠俾首期，買層四百零呎的舊樓，點生活？
小倆口決定結婚，每個月儲緊一萬，頭五年用0左黎儲錢，俾首期，儲多兩年，應該都夠裝修，再儲多三年先夠36萬，用0黎結婚擺酒，擺完d三姑六婆仲要話你＂o係 新光酒樓擺酒咁cheap！＂單單打打你0地一世，點生活？
小倆口唔想捱成十年先結到婚，決定偷偷地註冊o左先，搵銀行按上按，買o左層樓，仍然要俾十份一樓價做首期，而層樓的十份一係窗台，當中100呎係走廊，廚房只係放到一個煮食爐，同一個洗衣機，個雪柜要放出個廳，個廁所要企上個塔度先閂到門，呢層咁o既樓每個月要供八千蚊，加埋八千蚊俾0左屋企，淨番四千零。個老婆話：「我慳ｄ駛，呢幾年唔買衫，唔去旅行，我o地少d出去食飯，總捱得到o既。」點知買樓o個時，唔記得計埋管埋費，sorry 呀！我o地公司公價每呎係兩蚊管理費，四千零咁又冇o左千五蚊，仲係用o黎養門o個，日日對你黑口黑面，成日偷懶訓覺o既看更！同埋管理處o個位，從來乜都幫唔到你，日日返工打牙較o既小姐，計埋水電冷氣費，點生活？
小倆口捱下捱下終於捱o左十年，呢十年，計埋淨係加o左十零巴先(%)人工，小倆口已經好滿意，如果加得太多，佢o地反而驚公司會搵佢o地開刀，請過ｄfresh grad（新仔）o黎做，二按o個筆，已經還晒，每個月總算可以多番三四千蚊用。呢個時候，個老婆發覺自己大o左肚，但層樓仲有15年要供，份工又唔知幾時會冇o左，如果生o左個仔，點生活？
過o左五年，小倆口變成老倆口，差唔多四十歲了，個仔先三歲大，出街有時會俾人問：「你o個孫呀？好趣緻喎！」，呢個時候，佢o地搵緊唔夠三萬蚊，但一年就要交成二萬幾蚊稅，佢o地發現每年有十份一人工係用o黎救濟ｄ新移民，同埋養ｄ綜緩阿伯，返大陸叫雞包二奶，同o個仔去報小學，隔離左右個個都係操不純正廣東話，但能操流利廣東粗口o既新移民師奶，睇住佢o地ｄ細路，o係地下度玩吐痰，了鼻屎，碌地沙。呢個時候，小倆口開始唔想個仔入一間咁口既學校，同ｄ咁o既細路做同學，雖然自己一路交緊稅去維持九年免費教育，但佢o地都放棄o左呢個公民權利，於是決定報間私校，每個月又唔見o左幾千蚊，點生活？
又過o左十年，老兩口五十歲，層樓終於供完了，二人升o左做middle managers，計埋有五萬蚊一個月，一年交八萬蚊稅。間屋裝修過一次，每個月都要整下d水喉窗台滲水咁，養o左隻狗，買o左架車。過去廿年，去過八次旅行，當中六次係返大陸。而家佢地個仔十三歲，倆口子開始安排送個仔出國讀書，計計下，每個月食宿連學費就冇o左萬五蚊，但為左佢o的將來冇計，唔係個仔第日大o左，點生活？
五年後，倆口子五十五歲，依然搵五萬蚊一個月，冇俾人開刀減薪算係好好。佢口地個仔18歲，報到一間不太差又不太好o的大學，每個月住宿駛費連學費冇o左二萬幾。個老婆晚晚要捱住個仔，成日喊，無心情同老公做愛。每個月二千蚊長途電話費，當中四分三，係個仔用o黎打電話俾佢香港ｄ女朋友。老婆要求每年聖誕去美國探個仔一次，個仔每年暑假返o黎一次，機票連外地駛費，每年冇o左五萬蚊。你仲要發覺你個仔o既登機證多過你，次次返香港都upgrade上商務艙，你倆老就捱15個鐘經濟艙去探佢。呢個時候，老倆口本應仲有十年就退休，倆口子發覺除o左強積金之外，佢o地無任何儲蓄，銀行長期保持三萬左右結餘，係僅僅夠佢o地一個月生活o既開支，而且佢o地公司業務就麻麻地，一個唔小心隨時連份工都冇埋，點生活?
又過o左十年，老倆口退休了，佢o地個仔剛剛o岩o岩master畢業，返o左o黎香港搵工，倆口子大喜。今日個仔同ｄ中三畢業，中五畢業，中七畢業，同本科畢業的，一齊見緊份五、六千蚊o既工，見工o個時，仲要俾人潤一句，你咁好學歷，我o地呢份工驚屈質o左你喎，個仔越見越驚，開始後悔出國讀書，同後悔冇工作經驗。結果呢份工，請o左個中三畢業o既。呢份工，係叫做初級文員，連工都搵唔到，點生活？
兩星期後，老倆口開始考慮要唔要做番o野，呢個時候，個仔收到電話叫佢開工，原來之前o個份工個個都唔做，中三o個個有六年工作經驗，搵到第份萬二蚊o既工，中五o個個有四年工作經驗，搵到第份一萬蚊o既工，中七o個個有兩年工作經驗，搵到第份八千蚊o既工，本科畢業o個個返o左去讀master，結果呢個外國返o黎o既碩士生就做o左一份五、六千蚊的工，點生活？
文章出處：李翊龍廣東話老師 -- 香港部落格
http://mypaper.pchome.com.tw/sampre/post/1238997018
----
先前上了八堂的廣東話課，最後一堂課念了這篇文章。剛問過老師說可以轉貼:)
當時我邊用極不標準又快忘光的粵語跟著老師念文章時，其實心裡是有很大衝擊的。先前我早就聽朋友說過香港的生活會是如何，香港人如何，物價如何的，還沒有太多感覺，只是抱持著「到時候去了就知道啦，也不要先入為主，煩惱太多幹嘛。」但這篇文章好像真的道出了一個人在香港打拼所會經歷的事情......。
突然想到M說過的一句話：「對阿，我們的確成為國泰的空服員，要在香港生活了，但有沒有想過香港是個怎樣的地方，要過怎樣的日子呢。」
恩........離出發的日子越近，突然煩惱也多起來了。
文章定位：
