尚未設定 尚未設定

697愛的鼓勵 0訂閱站台

16/9/2003 HKT 6:20 大風

又兩三日無寫lu .. 不過之前都無咩特別野除o左籃球 .. 禮拜日個晚比賽對住榜首 .. 我地又有兩個打底o既唔係到 .. 一個試工 .. 一個身體有事 .. 佢地個個都預o左輸 ..

我超唔鍾意佢地lee種心態呀 !! 半場同賽後檢討都比我鬧 .. 抵鬧 !! 我自己都抵鬧 .. 打得勁差 .. 得分新低 -- 2分雖然有4個籃板 .. 3個偷波不過都無補於事 .. 我差唔多大半場要打中鋒又要帶個波上場 .. 又無人幫 .. 打得又差 .. 真係好差 .. 無用 .. 最後輸40分 .. 無錯係40分 .. 超興 .. lee場波令到我非常激勵呀 !! 我第2日(星期一)即刻去o左買個波 .. 係專比街場用o既 .. 諗住實踐過o黎前o既諗法 -- 一路帶波一路返學 .. 我個日真係咁做 .. 果然有d效 ..

禮拜一個晚比賽即刻無失過波 .. 不過都輸 .. 今場我地打得好怪 .. 唔知點咁 .. d球證又驚無o左個fd咁 .. 勁唔吹佢地 .. 痴線o架 .. 整係下半場都已經14犯啦 !! 最後輸5分囉好似 .. lee場係決賽o黎tim呀 .. 我地身為season o既榜首而家居然輸比唔知第幾 .. 而家唯有走下線囉 .. 仲有機會拎冠軍 .. 留意住我o既報導啦 !!

禮拜日完o左比賽 .. 突然間覺得 .. 原來真係個個追求o既野都唔同 .. 有人要錢 .. 有人要女/男朋友 .. 有人要勁過博士 .. 有人要做明星 .. 有人要家庭溫暖 .. 有人只要3餐安穩 .. 有人要環遊世界 .. 而我呢 ?? 係lee個時候我追求o既係讀書同籃球 .. 不過如果你係lee個時候叫我揀打波定返工我真係會揀打波 .. 我唔同其他人 .. 籃球係我生命甚至整個人生o既價值都係無價 .. 佢帶o左好多野比我 .. 技術 .. 人際 .. 名譽 .. 印象 .. 女朋友 .. 獎項 .. 知己 .. 才能 .. 等等好多野 .. 有錢都買唔到 !!

講o左咁多籃球講下學校啦 .. 仲有3日ja .. 就term break啦 !! 雖然無之前兩個咁期待但係都好過無啦係咪先 ?!
遲d話比大家聽我o既假期計劃啦 .. 今日print完份econ report之後 . 嘩 .. 成個人勁有成功感呀 !! 多過成千字呀大佬 .. 你話堅唔堅先 ..
仲有係幾滿意eng份test囉 .. 寫文寫得唔錯 .. maths禮拜4又測 .. geog禮拜5交有d重要o既功課 .. eng聽日同禮拜5又測 .. I.T好似 ..

為o左實現比人話我8痴o既夢想 .. 我每日都會帶住個波返學 .. 認真的 !!